Daniyeli 9:20 - IBAYIBOLO 2024

²⁰ Nkiputagha nukwilata imbibi zyane sona ni mbibi izya bantu bane aba Izilayeli pakumulambilizya u Mwene u Chala wane, pakulyiputila ighamba izelu ilya Chala.

Daniyeli 9:20 Iomraidhean Croise

Ezila 10:1

Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

Nehemiya 1:6

Ivwa sona wennye namumo ne mubombi wako nkwiputila pamaso papako umusanya nu busiku ukubiputila ababombi bako aba Izilayeli. Nkwilata imbibi zizyo aswe twe ba Izilayeli poka nane sona na banyenya bane twakunangila.

Masalimo 145:18

U Mwene akuba papipi na bosi babo bakumwitizya, kokuti bosi babo bakumwitizya mubwanaloli.

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Yesaya 56:7

nkwiza pakwiza nabo pighamba lyane izelu, nukubapa ulusekelo munyumba yane iya kwiputilamo. Ivyakwiyipa vyabo ivyakocha sona ni vyakwiyipa, vikwiza pakupokeliwa pachighemo chane, pakuti inyumba yane yikwiza pakwitiziwa ukuti nyumba iya kwiputilamo inko zyosi.”

Yesaya 58:9

Po ukwiza pakwitizya, sona u Mwene akwiza pakwamula, nanti ukulila, akwiza pakwamula ukuti, ‘Ane indipano.’ “Nanti mukuleka pakubakanyilila abantu ni koli, nukuleka ukusontana ninyobe nukunenana ububibi,

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Daniyeli 10:12

Akambuzya akati, “Wee Daniyeli, utakanyilaye. Pakuti ukwanda pisiku ilyakwanda lilalila ukabikilako inyinong'ono ukuti wivwisye ivintu, sona nukuti wiyisya wemwene pamaso pa Chala wako, inyiputo zyako zikivwika, niza pachifukwa icha nyiputo zyako.

Daniyeli 10:2

Pakabalilo kalakala ane ne Daniyeli nkalila abasabata batatu.

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Imbombo 4:31

Bo bamala pakwiputa, ubuzilo bubo bakakomanaghapo bukayingana. Bosi bakizula nu Muzimu Umuzelu nukwanda pakulumbilila amazyu agha Chala nu bujivu nkani.

Aba Loma 3:23

pakuti abantu bosi banangite, sona bapotwa pakufika mu buchindamu ubwa Chala.

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

Ubuvumbuli 21:10

Po u Muzimu Umuzelu akansendela pighamba ikulu, sona itali nkani. Akandanjizya u Yelusalemu, akaya akakulu nkani akazelu, kako kakwika ukufuma kumwanya kwa Chala.

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.