Daniyeli 9:2 - IBAYIBOLO 2024

² mumwaka uwakwanda uwa bulaghili bwache, ane ne Daniyeli nkaghivwisya amasimbo, ukuyana na mazyu ghagho u Mwene akamubuzya umulaghuzi u Yelemiya ukuti ukumongonkana ukwa Yelusalemu kukwiza pakumala amaka 70.

Daniyeli 9:2 Iomraidhean Croise

2 Imbili 36:21

Izi zikabombiwa pakukwanilisya amazyu agha Mwene ghagho akamubuzya u Yelemiya ukuti, “Ichisu chikwiza pakuba na Maka Aghakutuzya sona chikwiza pakuba nkolongo amaka 70 ukuyana namumo umulaghuzi akanenela.”

Ezila 1:1

Mumwaka uwakwanda bo u mwene u Sayilasi uwamu Peleziya akulaghila, u Mwene akakwanilisya zizyo akamubuzya umulaghuzi u Yelemiya pakunyamusya umoyo uwa Sayilasi ukuti asimbe indaghilo nukuzifumusya mubumwene bwache bosi izyakuti:

Masalimo 119:24

Indaghilo zyako zikunhobosya nkani, pakuti zikumanyisya amahala.

Yesaya 64:10

Utwaya twako utukulu nkani utuzelu, twaba nkolongo, nu Ziyoni wepe nkolongo, u Yelusalemu aba chisami.

Yelemiya 1:1

Agha gho mazyu agha Yelemiya, u mwana uwa Hilikiya, uwa bamo abaputi aba ku Anatoti, muchigaba icha Benjamini.

Yelemiya 25:18

Ku Yelusalemu sona na mutwaya utwa Yuda, na bamwene na makambala pakubapela pakuba chisami, nukuba chintu ichakoghofya, nicha kusekiwa nukughuniwa ngati mumo babeleye ilelo,

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:6

po nkwiza pakuyipela inyumba iyi iyakwiputilamo pakuba ngati buzilo ubwa Shilo, sona nkwiza pakukapela akaya akakulu nkani aka pakuba chighune pakasi panko izya pachisu ichapasi.’ ”

Yelemiya 27:7

Inko zyosi zikwiza pakumubombela yuyo nu mwana wache sona nu mwizukulu wache mupaka akabalilo kafikile kako ichisu chache chikwiza pakulaghiliwa ninko inyinji. Po abantu aba inko inyinji na bamwene abamaka bakwiza pakumupela pakuba muzya wabo.

Yelemiya 29:10

U Mwene akuti, “Bo ichisu icha Babiloni chalaghila amaka 70 nkwiza pakubendela nukukwanilisya ilayizyo lyane nukubanyosezya ku buzilo bunubu.

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Ezekiyeli 29:11

Nayumo umuntu pamo ichinyamana chicho chikwiza pakwendemo sona atalipo nayumo yuyo akwiza pakwikalamo amaka 40.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Zekaliya 1:12

Po uwantumi uwa Mwene akamula akati, “Wee Mwene Uwamaka Ghosi, nkimba utakwiza pakumupelela ichisa mupaka liyi u Yelusalemu nutwaya utwa mu Yuda tuto watukalaliye amaka 70?”

Zekaliya 7:5

“Balalusye abantu bosi aba muchisu poka na baputi ukuti, ‘Nkimba bo ukutuzya pakulya nukufwifwitila, mumwezi uwafayivi nu mwezi uwaseveni amaka 70 ghagho ghachilapo, nkimba mukatuzya pakulya pachifukwa icha ane?

Matayi 24:15

“Mukwiza pakwennya ‘Ichinyazu Ichipalapala’ chicho chikunangannya, chicho umulaghuzi u Daniyeli akanena. Chikwiza pakwimilila mu Buzilo Ubuzelu.” (Umuntu yuyo akubelenga, ivwisye.)

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”

Imbombo 8:34

Ikambala lila likamulalusya u Filipu likati, “Mbuzya, nkimba umulaghuzi akunena nizya wenu? Nkimba akwinena mwene, pamo akunena nizya yunji bulo?”

1 Timoti 4:13

Ubikepo umoyo pakuchibelengela ichilundilo amazyu agha Chala, ukuchilumbilila nukuchimanyisya, mupaka nize.

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu aghabulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.