Daniyeli 9:18 - IBAYIBOLO 2024

¹⁸ Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Daniyeli 9:18 Iomraidhean Croise

1 Abamwene 8:29

Uyilindililaye Inyumba iyi umusanya nu busiku, ubuzilo bubo ukatinji, ‘Ane nkwiza pakuchindikiliwangamo,’ umwakuti wivwe ulwiputo lwane ne mubombi wako bo nkwiputa pabuzilo ubu.

2 Abamwene 19:16

Wee Mwene tegha ikutu lyako, wivwe, wee Mwene ighula amaso ghako, po wennye sona teghelezya amazyu ghosi agha Senakelibu ghagho atuma pakukusamula awe we Chala umumi.

Masalimo 116:1

Imughanite u Mwene, pakuti akalyivwa izyu lyane, sona akwamula inyiputo zyane.

Masalimo 25:6

Wee Mwene kumbuka ichisa chako ichikulu nu lughano lwako, pakuti vinivi vikabangako ukwanda kale.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Yesaya 37:17

Wee Mwene tegha ikutu lyako, wivwe, wee Mwene ighula amaso ghako, po wennye sona teghelezya amazyu ghosi agha Senakelibu ghagho atuma pakukusamula awe we Chala umumi.

Yesaya 43:7

Wesi yuyo akwitiziwa itabwa lyane, yuyo nkamupela pachifukwa icha buchindamu bwane, yuyo nkamumata nukumupa ubumi.”

Yesaya 64:12

Wee Mwene nkimba utakutamiwa nazyo zinizi? Nkimba ukwiza pakuba bulo myee, nukutufunda umwakuchilapo?

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 14:9

Nkimba choni chicho uli ngati muntu yuyo achenuziwa bulo, ngati musilikali yuyo ate namaka pakubapoka abantu? Loli pope bulo awe we Mwene uli pakasi papitu, sona tukwitiziwa nitabwa lyako, utakatuleke twebene!”

Yelemiya 15:16

Bo nivwa amazyu ghako, nkaghalya, ghakipela pakuba lusekelo nu buhobosu mumoyo wane, pakuti nkumanyikwa ni tabwa lyako, wee Mwene u Chala Uwamaka Ghosi.

Yelemiya 25:29

Ennya nkwiza nu bwite mukaya akakulu nkani kako kakwitiziwa ni Tabwa lyane. Nkimba amwe mukwinong'ona ukuti mutakwiza pakufundiwa? Te momumo, mutakwiza pakupona, pakuti nkwiza pakutuma ubwite pabantu bosi babo bakwikala pachisu ichapasi. U Mwene Uwamaka Ghosi anena.

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 37:20

We mwene wane, loli ilelo, teghelezya bo nkukulaba. Utakanyosezyanje kunyumba iya musimbi u Yonatani umwakuti intakafwile mulamula.”

Ezekiyeli 36:22

“Polelo babuzye aba mu Izilayeli ukuti, ‘U Mwene Uwamaka Ghosi ati: Te bwighane bwinyu, mwee ba Izilayeli, nkwiza pakubomba ivintu vinivi, loli pachifukwa icha itabwa lyane izelu, lilyo mwalinyazya pakasi pa inko kuko mukabuka.

Ezekiyeli 36:32

Nkulonda ukuti muzimanye ukuti intakubomba ichi pachifukwa chinyu, u Mwene Uwamaka Ghosi anena. Mukoziwanje isoni nukusamuliwa chifukwa icha mbombo zyinyu, amwe mweba Izilayeli!

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Ukubelengiwa 6:27

Po u Mwene akati, “Nanti u Aloni na bana bache bakulitambula itabwa lyane pakubasaya aba Izilayeli, po ane nkwiza pakubasaya.”

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.