Daniyeli 9:15 - IBAYIBOLO 2024

¹⁵ “Wee Mwene u Chala witu ukabefyamo abantu bako mu Ijiputi na maka ghako amakulu nkani, sona itabwa lyako lyamanyikwa mupaka ilelo, loli aswe twananga sona twabomba ububibi.

Daniyeli 9:15 Iomraidhean Croise

1 Abamwene 8:51

Pakuti banaba bantu bako, sona mpyana yako, babo ukabefya mu Ijiputi mumuvuno uwa moto.

2 Abamwene 21:15

pachifukwa ichakuti bananga pamaso papane, sona bankalalizya ukwandila pisiku lilyo abanyenya babo bakepelaghamo mu Ijiputi mupaka nilelo.”

2 Imbili 6:37

loli nanti bapinduka nukuzileka imbibi bo bali muchisu icha buzya nukubalambilizya abantu babo bakabalema pakuba bazya nukuti, ‘Twananga, twabomba imbibi sona twapulumpa.’

Nehemiya 1:10

“Banaba bo babombi bako sona bantu bako, babo ukabatabula na maka ghako amakulu nkani.

Nehemiya 1:6

Ivwa sona wennye namumo ne mubombi wako nkwiputila pamaso papako umusanya nu busiku ukubiputila ababombi bako aba Izilayeli. Nkwilata imbibi zizyo aswe twe ba Izilayeli poka nane sona na banyenya bane twakunangila.

Nehemiya 9:10

Ukabomba ivyika ni viswigho pamaso pa Falabo na makambala ghache ghosi sona na bantu bosi aba muchisu chila, pachifukwa ichakuti ukabennya namumo bakabayivizizyanga aba Ijiputi. Ichi cho chifukwa imbili yako yichili yilipo mupaka nilelo bulo.

Masalimo 106:8

Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Ukufuma 13:14

“Muntazi, nanti abana binyu bakubalalusya ukuti, ‘Nkimba ichi chikung'anamula ichoni?’ Mubamulaye ukuti, ‘U Mwene akatwefyamo mu Ijiputi, ichisu icha buzya na maka ghache amakulu.

Ukufuma 13:16

Chinichi chikwiza pakuba chimanyilo ichakupinyiwa panyobe zyitu, sona na pacheni chitu ichakutukumbusya ukuti u Mwene akatwefyamo muchisu icha Ijiputi na maka ghache amakulu nkani.”

Ukufuma 13:3

Po u Mozesi akababuzya abantu akati, “Mulikumbukilaye isiku linili, lilyo mukepelamo muchisu ichabuzya icha Ijiputi. Pisiku linili u Mwene akababefya na maka ghache amakulu. Mutakalyanje nachimochimo ichibama icha chilungo.

Ukufuma 13:9

Ulusekelo ulu lukwiza pakuba chimanyilo ichakupinyiwa panyobe zyinyu, sona na pacheni chinyu. Chikwiza pakubakumbusya ukuti indaghilo izya Mwene zibaghiye pakuba pamilomo yinyu. Pakuti u Mwene akabefyamo muchisu icha Ijiputi na maka ghache amakulu nkani.

Ukufuma 14:18

Aba Ijiputi bakwiza pakummanya ane ukuti ne Mwene, bo nkuchindikiwa ukwendela mwa Falabo, na mungolo zyache izya bwite, sona na bendezya ingolo zyache.”

Ukufuma 32:11

Loli u Mozesi akamulambilizya u Mwene u Chala wache akati, “Wee Mwene, nkimba choni chicho ukubakalalila abantu bako, babo ukabefyamo mu Ijiputi na maka ghako amakulu nkani sona nu bulaghili bwako ubukulu?

Ukufuma 6:1

Po u Mwene akamubuzya u Mozesi akati, “Losi ulu ukwiza pakwennya zizyo nkwiza pakumubombela u Falabo. Nkwiza pakumufyenga ukuti abitikizye abantu bane pakubuka. Pachifukwa icha maka ghane amakulu, naloli akwiza pakubachimbizyamo abantu bane muchisu chache.”

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Yesaya 55:13

Mubuzilo ubwa mivwa mukwiza pakumela amakwi agha payini, mubuzilo ubwa ntumbusya mukwiza pakumela amakwi aghamazwanga. Ichi chikwiza pakuba chimanyilo icha Mwene, icha bwila na bwila, chicho chitakwiza pakunanganika.”

Yesaya 64:4

Ukwanda bulo kale, patalipo umuntu nayumo yuyo ivuyepo, pamo ukwivwisya nikutu, sona litalipo ilyiso nalimo, lilyo limwenizyepo u Chala ukwefyako amwe, yuyo akubomba mubuzilo ubwa babo bakumulindilila.

Yelemiya 14:20

Wee Mwene, tukwitika ububibi bwitu, sona ni mbibi izya banyenya bitu, pakuti naloliloli twakunangila.

Yelemiya 32:10

Nkasimba nukwighalila ukalata uwa lufingo lula pamaso pa bakaboni nukumupima u siliva yula pa chipimilo.

Nkuto 3:42

“Aswe twananga sona twasambuka, po utakatuhobokele, awe.

Ezekiyeli 5:6

Abantu aba mu Yelusalemu mububibi bwabo baghasambukila amalamulo ni ndaghilo zyane ukuzichila inko ni vyisu vivyo vimuzyunguliye. Bazikana indaghilo zyane sona bataghakonka amalamulo ghane.”

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Luka 15:21

Umwana yula akati, ‘Tata, namunangila u Chala poka nawe bulo. Ntabaghiye nukwitiziwa sona mwana wako.’

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

Ukukumbusya Amalamulo 5:15

Mukumbukaye ukuti namwe bulo mukaba mwe bazya mu Ijiputi. Mukumbukaye sona ukuti Ane ne Mwene u Chala winyu nkabefyamo mu Ijiputi na maka ghane amakulu, sona ni nyobe ingolosu. Ichi cho chifukwa u Mwene akabalamula ukuti mulikumbukaye Isiku Ilyakutuzya.