Daniyeli 9:13 - IBAYIBOLO 2024

¹³ Ukuyana namumo zisimbiwe mu Ndaghilo izya Mozesi, intamyo zyosi zinizi zyatuwila, loli pope bulo tutinong'onitepo pakulaba ichisa icha Mwene u Chala witu pakuzileka imbibi zyitu nukubuteghelezya ubwanaloli.

Daniyeli 9:13 Iomraidhean Croise

2 Abamwene 22:16

‘U Mwene ati: Nkwiza pakukawisizya intamyo akaya akakulu nkani kanaka, poka na bantu babo bakwikala mulamula, ukuyana na vyosi vivyo visimbiwe mwibuku lilyo u mwene uwamu Yuda alibelengagha.

Yobu 36:13

Abantu babo batamumenye u Chala bakusunga ubukali mumoyo ghabo; loli batakulila pakulaba ubwavwilizi, napapo akubafunda.

Masalimo 119:18

Nyighula amaso ghane, umwakuti nennye ivyakuswighisya, vivyo vili mu lulaghilo lwako.

Masalimo 119:27

Nyavwe ukuti nivwisye ivimanyisyo, ivya malamulo ghako. Po nkwiza pakwinong'ona nizya viswigho vyako.

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 85:4

Wee Chala Umupoki witu, utunyosezye papo, utakatukalalilaye!

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 42:9

Ennya, ivintu ivyakale vyakwanilisiwa, po ilelo nkubabuzya ivintu ivipya, bo vichili pakubombiwa nkubafumusizya zila.”

Yesaya 43:22

“Wee Yakobo, mutanyiputitepo, wee Izilayeli, walita nane.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yesaya 9:13

Loli abantu aba mu Izilayeli batanyokeye kukwache yuyo akabakoma, pamo pakumulonda u Mwene Uwamaka Ghosi.

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 31:18

“Nivwa aba Efulayimu bakulila bakuti, ‘Naloli watufunda ngati ngwata yiyo yitamanyiziwe, sona twamanyilapo ukwivwila. Utunyosye ukuti tunyokele kukwako, pakuti naloli we Mwene u Chala witu.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Nkuto 5:21

Wee Mwene tunyosezye kukwako, umwakuti tunyokelemo sona, amasiku ghitu ghabanje ngati gho ghakale ghala.

Ezekiyeli 16:43

“ ‘Pachifukwa ichakuti utakaghakumbuka amasiku agha kubulumendo bwako bosi, loli ukankalalizya na vyosi vinivi, naloli nkwiza pakutanizya pambibi zyosi zizyo wabomba, u Mwene Uwamaka Ghosi anena. Nkimba utakonjelezyapo ubwamalaya pavyamwiko vyosi ivinji?’ ”

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Hoseya 7:7

Abantu bosi banaba bakocha nkani ngati muvuno, sona bakubaghogha abalaghili babo. Abamwene babo bosi baghuye, loli atalipo nayumoyumo pakasi papabo, yuyo akunyitizya ukuti imwavwe.

Luka 24:45

Po akabighula inyinong'ono zyabo ukuti bivwisye Amasimbo,

Yohani 10:35

Tuzimenye ukuti zizyo Amasimbo ghakuti zyanaloli bwila na bwila, sona u Chala akabita abantu bala ukuti bachala, ku bantu babo amazyu ghakaneniwangako.

Yohani 6:45

Abalaghuzi bakasimba bakati, ‘Bosi bakwiza pakumanyisiwa nu Chala.’ Umuntu wesi yuyo akwivwa zizyo u Tata akunena nukumanyila kukwache, weyuyo akwiza kukwane.

Yohani 8:32

Amwe mukwiza pakubumanya ubwanaloli, sona ubwanaloli bukwiza pakubasatula.”

Aba Efeso 4:21

Naloli mukivwa nizya yuyo, sona mukamanyisiwa nizya yuyo ukuyana nu bwanaloli bubo buli mwa Yesu.

Ukukumbusya Amalamulo 29:4

Loli mupaka nilelo bulo, u Mwene atabapiye amoyo aghakwivwisya, pamo amaso aghakwenezya, pamo amakutu aghakwivwisya.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.