Daniyeli 9:12 - IBAYIBOLO 2024

¹² Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Daniyeli 9:12 Iomraidhean Croise

1 Abamwene 3:9

Polelo umpe amahala aghakubalaghilila abantu bako, sona na ghakulesannya ichiza ni chibibi. Nkimba wewenu yuyo angalulaghila uluko lwako ulukulu lunulu?”

2 Abamwene 22:16

‘U Mwene ati: Nkwiza pakukawisizya intamyo akaya akakulu nkani kanaka, poka na bantu babo bakwikala mulamula, ukuyana na vyosi vivyo visimbiwe mwibuku lilyo u mwene uwamu Yuda alibelengagha.

Yobu 12:17

Abamahala akubafyula amahala ghabo, sona akubapungannya abalongi.

Masalimo 148:11

mwe bamwene aba pachisu ichapasi, sona na bantu aba inko izinji zyosi, na bana aba bamwene, na balongozi bosi aba muchisu ichapasi!

Masalimo 2:10

Polelo mwee bamwene, mubanje na mahala, mwee balaghili aba pachisu ichapasi, muchebaye.

Ivyili 8:16

Ane nkubapela abalaghili ukuti balaghilaye sona na basongosongo bosi ukuti balongozyanje pachisu ichapasi.

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 39:16

“Buka umubuzye u Ebedimeleki umu Etiyopiya ukuti, umu momumo u Mwene Uwamaka Ghosi, u Chala uwa Izilayeli akunenela akuti, ‘Indi papipi pakughakwanilisya amazyu ghane aghakukasusya akaya akakulu nkani aka ukwendela muchintu ichibibi, te bukabi awe. Pakabalilo kalakala ghakwiza pakukwanilisiwa pamaso ghako.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Nkuto 1:12

Nkimba chinichi chitakubaswighisya mwebosi mwe mukudumusannya bulo? Po talankannya mwennye nanti ghalipo amayimba aghanji, ghagho ghayanite na mayimba ghane, amayimba ghagho u Mwene akangwisizya pisiku lilyo akankalalila.

Nkuto 2:13

Wee Yelusalemu, nkimba ningakubuzya ichoni sona ningakufwanikizya ni choni? Wee Yelusalemu, nkimba ningakufwanikizya ni choni, umwakuti nkusangulusyanje? Inkonko yako nyibizu nkani ngati yo nyanja, po nkimba wewenu angakupozya?

Nkuto 2:17

U Mwene abomba zizyo akabatika, sona akwanilisya amazyu ghache ghagho akanena kale. Po akunangannya umwakusita ichisa, abapela abalwani bako ukuti bakusekaye, abapiye abalwani bako amaka.

Nkuto 4:6

Abantu bane bafundiwa nkani, ukuchila namumo bakafundiliwanga abantu aba mu Sodomu, Abantu banaba bakafundiwa mukabalilo akapimpa bulo sona patakabapo nayumoyumo umuntu uwakubavwa.

Ezekiyeli 13:6

Ivisetuka vyabo vyabumyasi sona bakulaghula ivyabumyasi bakuti, ‘U Mwene akuti,’ loli u Mwene atabatumitepo, sona bakusubila ukuti amazyu ghabo ghakwaniliziwe.

Ezekiyeli 5:9

Pachifukwa icha vifwani ivyamwiko, nkwiza pakubabombela ichintu chicho intabombitepo nalumo sona ntakwiza pakuchibombapo nalumo.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Amosi 3:2

“Pakasi pa inko zyosi izya muchisu ichapasi, nkabasala mwemwe mwebene polelo nkwiza pakubafunda pachifukwa icha mbibi zyinyu zyosi.”

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Zekaliya 1:8

Pabusiku nkennya ichisetuka, pakaba uwakwendezya ifalasi inchesamu. Akimililagha pakasi pa makwi ghamo agha ntumbusya mwikombe. Po kwisinda kwache kukaba abakwendezya ifalasi inchesamu, ni yamabala sona ni swepu.

Zekaliya 7:12

Bakakazya nkani amoyo ghabo ngati libwe, umwakuti batakivwanga ululaghilo sona na mazyu agha Mwene Uwamaka Ghosi ghagho akababuzya abalaghuzi abavula intazi bala pakwendela mwa Muzimu. Po u Mwene Uwamaka Ghosi akakalala nkani.

Matayi 24:21

Pakuti intamyo izya masiku ghala zikwiza pakuba mpalapala nkani ukuchila zyosi zizyo zikabapo na kale, ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Matayi 5:18

Naloli nkubabuzya ukuti bo kumwanya na pasi vitazimiye nakope akasimbo akanandi pamo akasonga akasimbo kepepo pa Ndaghilo, mupaka vyosi vinivi vikwanilisiwe.

Maliko 13:19

Pakuti intamyo izya masiku ghala zikwiza pakuba mpalapala nkani ukuchila zyosi zizyo ichisu ichapasi chikomanitepo nazyo ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Luka 21:22

Pakuti amasiku ghalaghala gho ghagho u Chala akwiza pakubafunda abantu ukuti vyosi vivyo Amasimbo ghakanena vikwanilisiwe.

Aba Loma 15:8

Pakuti nkubabuzya ukuti u Kilisitu akaba mubombi pakasi paba Yuda ukulanjizya ukuti u Chala musubiliwa, umwakuti asimikizye ilayizyo lyache, lilyo akabalayizya abanyenya babo,