Daniyeli 9:11 - IBAYIBOLO 2024

¹¹ Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Daniyeli 9:11 Iomraidhean Croise

2 Abamwene 18:12

Izi zikabombiwa pachifukwa ichakuti abantu bala batakamwivwila u Mwene u Chala wabo, loli bakalunangannya ulufingo lulo akafingana nabo, poka na zyosi zizyo u Mozesi umubombi uwa Mwene akabalamula. Bakazikonka indaghilo zyache, pamo ukuvibomba vivyo akabalamula.

2 Abamwene 22:16

‘U Mwene ati: Nkwiza pakukawisizya intamyo akaya akakulu nkani kanaka, poka na bantu babo bakwikala mulamula, ukuyana na vyosi vivyo visimbiwe mwibuku lilyo u mwene uwamu Yuda alibelengagha.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 2:29

“Nkimba choni chicho mukumpa inongwa? Mwebosi munsambukiye. Ane ne Mwene nanena.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 40:3

Sona ilelo u Mwene achikwanilisya. Abomba ngati mumo akanenela ukuti akwiza pakuchibomba. Chosi ichi chikabombiwa pachifukwa ichakuti mwe bantu mukamubombela imbibi u Mwene sona mutakamwivwila.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Daniyeli 9:13

Ukuyana namumo zisimbiwe mu Ndaghilo izya Mozesi, intamyo zyosi zinizi zyatuwila, loli pope bulo tutinong'onitepo pakulaba ichisa icha Mwene u Chala witu pakuzileka imbibi zyitu nukubuteghelezya ubwanaloli.

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Zekaliya 7:12

Bakakazya nkani amoyo ghabo ngati libwe, umwakuti batakivwanga ululaghilo sona na mazyu agha Mwene Uwamaka Ghosi ghagho akababuzya abalaghuzi abavula intazi bala pakwendela mwa Muzimu. Po u Mwene Uwamaka Ghosi akakalala nkani.

Zekaliya 8:13

Mwee ba Yuda naba Izilayeli, ukuyana namumo mukabela mwe nguno pakasi pa inko, po nkwiza pakubapoka sona mukwiza pakuba mwe lusayo. Mutakanyilaye, loli mubanje na maka.”

Ukukumbusya Amalamulo 8:20

Nanti mutakumwivwila u Mwene u Chala winyu, akwiza pakubanangannya ukuyana namumo akabananganizizya abantu aba inko izinji, bo mukwennya na maso.