Daniyeli 8:24 - IBAYIBOLO 2024

²⁴ Akwiza pakuba na maka nkani, loli ghatakwiza pakuba ghache na ghache. Akwiza pakuvinangannya nkani, sona vyosi vivyo akubomba vikwiza pakumwendela akiza. Akwiza pakubanangannya abantu abamaka, na bazelu bulo.

Daniyeli 8:24 Iomraidhean Croise

Masalimo 37:35

Nkamwennya umuntu umubibi akwituvya sona akukweziwa, ngati likwi ilya lizwangwa.

Daniyeli 11:23

Bo bivwana, akwiza pakubazimbula abamwene aba inko izinji zila, pope bulo na bantu abanandi bulo akwiza pakuba na maka.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Daniyeli 8:11

Akitutumula nkani mupaka nukulonda pakulwana nu songo uwa basilikali aba kumwanya bala. Akamazya ivyakwiyipa ivya isiku ni siku kwa Chala, sona akabumongolannya Ubuzilo Ubuzelu.

Daniyeli 8:12

Abantu bakananga ubuzilo ubwakubika ichakwiyipa icha isiku ni siku, ichiputo ichanaloli chikasumbiwa pasi chosi chicho ulupembe lula lukabombagha, lukapotagha.

Daniyeli 8:23

“Mumasiku aghabumalilo agha bulaghili ubwa bamwene banaba, bo ukusambuka kwabo kwaba kubibi nkani, akwiza pakubanangannya abantu sona po pakwiza pakuboneka u mwene umukali nkani umuzimbuli.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Ubuvumbuli 17:17

Pakuti u Chala avipiye umoyo uwakuti abombe vivyo akabatikila zila pakwitikizya ukuchipa ichinyamana chila amaka ghabo aghakulaghilila mupaka amazyu agha Chala ghakwanilisiwe.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”