Daniyeli 8:21 - IBAYIBOLO 2024

²¹ Usabwe yula akwimilila ubumwene ubwa Gilisi, sona ulupembe ulukulu nkani lulo luli pakasi pamaso we mwene wakwanda.

Daniyeli 8:21 Iomraidhean Croise

Daniyeli 10:20

Polelo akati, “Nkimba wachimanya chicho nkwiziye? Niza pakulwa ubwite nu wantumi uwa Peleziya, umwakuti namalana nawe, uwantumi usongo uwa Gilisi izaye.

Daniyeli 11:2

“Polelo nkukubuzya ubwanaloli ukuti abamwene abanji batatu bakwiza pakuboneka muchisu icha Peleziya. Pisinda pache pakwiza u mwene uwafolo, yuyo akwiza pakuba mukabi nkani ukubachila abanji bosi bala. Nanti aba nu bulaghili pachifukwa icha bukabi bwache, akwiza pakubapela abantu bosi ukuti babusambukilaye ubumwene ubwa Gilisi.

Daniyeli 11:3

Po u mwene uwamaka nkani akwiza pakuboneka, yuyo akwiza pakulaghilagha nu bulaghili ubukulu nkani, sona akwiza pakubombagha zizyo zikumuhobosya.

Daniyeli 2:39

“Pisinda papako pakwiza pakuba sona ubumwene ubunji, bubo butakwiza pakuba na maka nkani ngati bumwene bwako. Pisinda pache pakwiza ubumwene ubwabutatu ubwa mukuba, bubo bukwiza pakuchilaghila ichisu chosi ichapasi.

Daniyeli 7:6

“Pisinda pache nkachennya sona ichinyamana ichinji, chicho chikabonekagha ngati we zyela. Panyuma chikaba ni vipapande folo ngati vya chiyuni. Ichinyamana chinichi chikaba ni mitu folo, sona chikapeghiwa amaka aghakulaghilila.

Daniyeli 8:20

Udubi uwa mpembe zibili yuyo ukamwennya akwimilila abamwene aba Mediya, naba Peleziya.

Daniyeli 8:22

Impembe folo zizyo zikamela papo pakabapo ulupembe lulo lukapyoka zikwimilila ubumwene folo bubo bukwiza pakuboneka ukufuma pakasi pa baluko lwache, loli amaka ghabo ghatakwiza pakuyana na maka agha mwene uwakwanda yula.

Zekaliya 9:13

Nkwiza pakumupeta u Yuda ngati bwele, sona u Efulayimu akwiza pakuba tulasilo twache. Wee Ziyoni, nkwiza pakubanyamusya abana bako, umwakuti balwe na bantu aba ku Gilisi, nkwiza pakukupela pakuba wepanga uwa balwabwite abamaka nkani.”