Daniyeli 8:18 - IBAYIBOLO 2024

¹⁸ Bo akunena nane nkaghona utulo utwakufwa nato, bo icheni chane chikotamiye pasi. Po akampalamasya nukunyamusya.

Daniyeli 8:18 Iomraidhean Croise

Ubwandilo 15:12

Bo izuba likwinjila, u Abulamu akaghona utulo utwa kufwa nato, sona ichisi ichakoghofya chikamuwila.

Yobu 4:13

Pabusiku ichilota chikantamya nkani, bo abantu bali mutulo utwa kufwa nato.

Ezekiyeli 2:2

Bo ali pakunena, Umuzimu akinjila mumwane nukunyamusya, sona nkamwivwa akunena nane.

Daniyeli 10:16

Po yumo yuyo akabonekagha ngati muntu, Akapalamasya imilomo yane nukunyighula umulomo, po nkanda pakunena. Nkamubuzya yuyo akimilila pamaso papane ukuti, “Wee songo, ivintu vivyo navyennya muchisetuka vyambaba nkani mumoyo, sona inte na maka.

Daniyeli 10:18

Po yumo yuyo akaba ngati muntu akampalamasya nukumpa amaka.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Daniyeli 8:27

Ane ne Daniyeli nkalita nkani, sona nkabinapo amasiku aminji. Po nkanyamuka nukubuka pakubomba imbombo kunyumba iya mwene. Nkaswigha nkani ni chisetuka chila sona intakachivwisyanga.

Zekaliya 4:1

Po uwantumi yuyo akanenagha nane akiza sona nukundamusya ngati muntu yuyo bamulamusya bulo mutulo.

Luka 22:45

Bo amala pakwiputa, akimilila nukubuka ku bamanyili bala. Akabagha baghonite utulo pakuti bakaba ni chitima nkani.

Luka 9:32

U Pitala na bamwabo bakaghonagha, loli bakalamusya nukwennya ubuchindamu ubwa Yesu na bantu babili babo bakimilila nawe.

Imbombo 26:6

Po ilelo nimiliye pano pakulongiwa pachifukwa icha kulindilila ilayizyo lilyo u Chala akabalayizya abanyenya bitu.

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.