Daniyeli 8:15 - IBAYIBOLO 2024

¹⁵ Bo ane ne Daniyeli nkwennya ichisetuka sona bo nkuyezya pakuchivwisya, pamaso papane pakimilila yumo yuyo akaba ngati muntu.

Daniyeli 8:15 Iomraidhean Croise

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Daniyeli 10:16

Po yumo yuyo akabonekagha ngati muntu, Akapalamasya imilomo yane nukunyighula umulomo, po nkanda pakunena. Nkamubuzya yuyo akimilila pamaso papane ukuti, “Wee songo, ivintu vivyo navyennya muchisetuka vyambaba nkani mumoyo, sona inte na maka.

Daniyeli 10:18

Po yumo yuyo akaba ngati muntu akampalamasya nukumpa amaka.

Daniyeli 10:5

Nkatalankannya, po nkamwennya umuntu avwalite amenda amatonte, sona nu lamba umwiza uwa golide mumusana wache.

Daniyeli 12:8

Nkivwa loli intakivwisya. Po nkalalusya nkati, “Wee mwene wane, nkimba ivintu vinivi vikwiza pakumala bulibuli?”

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Daniyeli 8:1

Mumwaka wabutatu bo u mwene u Belishazala akulaghila, ane ne Daniyeli nkachennya ichisetuka, pisinda pa chisetuka ichakwanda.

Daniyeli 8:19

Akati, “Nkwiza pakukubuzya zizyo zikwiza pakubombiwa bo ubukali bwamala, pakuti ichisetuka chikunena nizya masiku aghabumalilo.

Zekaliya 1:9

Nkamulalusya nkati, “Wee songo, nkimba banaba bo bawenu?” Uwantumi yuyo akanenagha nane akanyamula akati, “Nkwiza pakukulanjizya mumo babeleye.”

Matayi 13:36

Po u Yesu akepapo pachilundilo icha bantu chila nukwinjila munyumba. Abamanyili bache bakiza nukumulaba ukuti, “Tubuzye, nkimba ichili icha ndezye mumughunda chikung'anamula ichoni?”

Matayi 24:15

“Mukwiza pakwennya ‘Ichinyazu Ichipalapala’ chicho chikunangannya, chicho umulaghuzi u Daniyeli akanena. Chikwiza pakwimilila mu Buzilo Ubuzelu.” (Umuntu yuyo akubelenga, ivwisye.)

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”

Maliko 4:12

ukuti, ‘Bangennya nukwennya, loli bate bavyennyanje. Bangivwa nukwivwa, loli batangivwisya. Nanti bangamanya, bangapinduka nukuzileka imbibi zyabo, po u Chala angabahobokela imbibi zyabo.’ ”

Yoshwa 5:14

Umuntu yula akamula akati, “Awe, te ne mumanyani, pamo ne mulwani. Loli ne songo uwa basilikali aba Mwene.” Bunubu u Yoshwa akakupama nukumwiputa, po akamulalusya akati, “Nkimba u Mwene, antumiye mazyu ghoni ne mubombi wache?”

Ubuvumbuli 1:13

Pakasi pa nyale zila, nkennya yumo yuyo akaboneka ngati muntu. Akavwala inkazo intali yiyo yikafika kunyayo zyache, akapinya ulamba uwa golide pachifuba chache.

Ubuvumbuli 13:18

Panapa pakulondiwa amahala. Umuntu wesi yuyo ali na mahala, abelengele inambala iya chinyamana pakuti inambala yikwimilila itabwa ilya muntu. Inambala yache we 666.