Daniyeli 8:13 - IBAYIBOLO 2024

¹³ Po nkivwa uwantumi akumulalusya uwantumi uyunji akuti, “Nkimba ichisetuka chako chikwiza pakukwanilisiwa liyi? Nkimba ichinyazu ichakunangannya chinichi chikwiza pakupyanilaghapo liyi pachakwiyipa icha isiku ni siku? Nkimba abasilikali sona naba Mubuzilo Ubuzelu bakwiza pakukanyankiliwa mupaka liyi?”

Daniyeli 8:13 Iomraidhean Croise

Masalimo 74:10

Wee Chala, nkimba abalwani bitu batusekaye mupaka liyi? Nkimba balisamulaye itabwa lyako bwila na bwila?

Masalimo 74:9

Ivimanyilo vyitu vitakuboneka. Atalipo sona umulaghuzi uwakusyalapo, nayumoyumo umuntu pasi papinyu yuyo azimenye mumo zikwiza pakubela.

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Yesaya 28:18

Ulufingo lwinyu nu bufwe lukwiza pakuba lwabulo, po ukwivwana kwinyu ni pumpa kutakwiza pakwendelela, Bo ulufundo ulwakoghofya lukwenda mukwiza pakutitiliwa.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yesaya 63:18

Bo pachilapo akabalilo akanandi bulo, abantu bako bakikala mubuzilo bwako ubuzelu, loli ilelo abalwani bitu, babukanyankilannya ubuzilo bwako ubuzelu.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Daniyeli 12:11

“Ukwanda pakabalilo kako ivyakwiyipa ivya isiku ni siku vikumalila sona ukwanda pakabalilo kako ichintu ichibibi ichakunangannya chikwimikiliwa, pakwiza ukubapo amasiku 1,290.

Daniyeli 12:8

Nkivwa loli intakivwisya. Po nkalalusya nkati, “Wee mwene wane, nkimba ivintu vinivi vikwiza pakumala bulibuli?”

Daniyeli 4:10

Bo ingonite pachitala chane pabusiku nkachennya ichisetuka icha ikwi itali nkani, lilyo likaba pakasikasi pachisu ichapasi.

Daniyeli 4:13

Bo ingonite pachitala chane pabusiku bulabula, nkamwennya sona uwantumi umuzelu yuyo akikagha kumwanya.

Daniyeli 4:23

“Wee mwene, ukamwennya uwantumi umuzelu akwika kumwanya akuti, ‘Lidumule ikwi nukulinangannya, loli uchileke ichisinko, bo uchipinyiliye ni chela nu mukuba nukuchileka mwisote, sona amagululuzi ghache ghabe mwitope. Muleke anyekaye ni nganda, sona ikalaye poka ni vinyamana mupaka amaka seveni.’

Daniyeli 7:16

Nkapalamila ku muntu uwa bamo yuyo akimilila palapala ukuti ambuzye na chicho ivintu vinivi vikusanusya. “Po umuntu yula akambuzya ubusanuzyi ubwa vintu vinivi akati,

Daniyeli 7:23

“Po akandingannya akati, ‘Ichinyamana ichafolo, bo bumwene ubwafolo bubo bukuboneka pachisu ichapasi. Ubumwene bunubu bukwiza pakulekana na mabumwene aghanji sona chikwiza pakulya nukuvulazya sona nukukanyankila.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Zekaliya 1:19

Nkamulalusya uwantumi yuyo akanenagha nane nkati, “Nkimba vinivi vyo vyoni?” Akanyamula akati, “Zinizi zyo mpembe zizyo zikamunyampannya u Yuda nu Izilayeli, sona nu Yelusalemu.”

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 24:15

“Mukwiza pakwennya ‘Ichinyazu Ichipalapala’ chicho chikunangannya, chicho umulaghuzi u Daniyeli akanena. Chikwiza pakwimilila mu Buzilo Ubuzelu.” (Umuntu yuyo akubelenga, ivwisye.)

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”

Luka 10:22

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.”

Luka 21:20

“Nanti mukwennya u Yelusalemu azyunguliliwe na balwani, muzimanye ukuti ali papipi pakumongoliwa.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

Aba Hebeli 10:29

Po nkimba zingaba bulibuli nu muntu yuyo akumusamula u Mwana uwa Chala? Nkimba zingaba bulibuli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba bulibuli nu muntu yuyo akumusamula u Muzimu Umuzelu, yuyo akumulanjizya ichisa?

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.

Yuda 1:14

Akaba we Enoki uwa nkulilo iyaseveni ukwandila pa Adamu, yuyo akalaghula nizya bantu banaba ukuti, “Ennya, u Mwene akwiza na bantumi aba kumwanya abasita kubelengiwa

Ubuvumbuli 11:2

Loli utakapime intanda, pachifukwa ichakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

Ubuvumbuli 6:10

Bakakolomoka nkani bakati, “Mwene, Uwamaka Ghosi, umuzelu nu wanaloli, nkimba choni chicho ukukaba pakubalonga abantu aba muchisu ichapasi nukubafunda babo bakatughogha?”

Abalongi 13:18

Uwantumi yula akamula akati, “Nkimba choni chicho ukundalusya itabwa lyane? Itabwa lyane utangalyivwisya.”