Daniyeli 8:1 - IBAYIBOLO 2024

¹ Mumwaka wabutatu bo u mwene u Belishazala akulaghila, ane ne Daniyeli nkachennya ichisetuka, pisinda pa chisetuka ichakwanda.

Daniyeli 8:1 Iomraidhean Croise

Ezekiyeli 1:1

Pisiku ilyafayivi, mumwezi uwafolo, mumwaka uwa 30, bo indi pakasi pabazya palusoko ulwa Kebali, kumwanya kukighuka sona nkennya ivisetuka ivya Chala.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 10:2

Pakabalilo kalakala ane ne Daniyeli nkalila abasabata batatu.

Daniyeli 10:7

Ane ne Daniyeli nkaba nemwene nene nkachennya ichisetuka chinichi. Abantu babo bakaba poka nane, batakachennya, loli bakanyila nukutetema, umwakuti bakachimbila nukuvwama.

Daniyeli 11:4

Loli bo ubulaghili bwache bwafika pa chinamwene, ubumwene bwache bukwiza pakunanganika, sona bukwiza pakugabinkana muvigaba folo. Abaluko lwache batakwiza pakubupyana ubumwene bulabula, sona butakwiza pakubanga na maka ngati mumo akabela umwenecho, pachifukwa ichakuti ubumwene bula bukwiza pakunyunkuliwa nukubikiwa munyobe izya bantu abanji.

Daniyeli 7:1

Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

Daniyeli 7:15

“Ane ne Daniyeli, nkatamiwa nkani mumoyo, sona nkaba nubogha nkani pachifukwa icha zizyo nkazyennya muvisetuka vyane, po zikanvulungannya nkani.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Daniyeli 8:15

Bo ane ne Daniyeli nkwennya ichisetuka sona bo nkuyezya pakuchivwisya, pamaso papane pakimilila yumo yuyo akaba ngati muntu.

Daniyeli 8:2

Nkennya ukuti indi mukaya akakulu nkani aka ilinga ilya Susa muchigaba icha Elamu, sona nkagha ukuti indi mulubazu ulwa lusoko ulwa Ulayi.

Daniyeli 9:2

mumwaka uwakwanda uwa bulaghili bwache, ane ne Daniyeli nkaghivwisya amasimbo, ukuyana na mazyu ghagho u Mwene akamubuzya umulaghuzi u Yelemiya ukuti ukumongonkana ukwa Yelusalemu kukwiza pakumala amaka 70.