Daniyeli 7:6 - IBAYIBOLO 2024

⁶ “Pisinda pache nkachennya sona ichinyamana ichinji, chicho chikabonekagha ngati we zyela. Panyuma chikaba ni vipapande folo ngati vya chiyuni. Ichinyamana chinichi chikaba ni mitu folo, sona chikapeghiwa amaka aghakulaghilila.

Daniyeli 7:6 Iomraidhean Croise

Ezekiyeli 17:3

Ubabuzye ukuti, ‘U Mwene Uwamaka Ghosi akuti: Izwanga ikulu nkani lilyo lili ni vipapande ivya maka na meya amatali aghakuboneka akiza, likabuluka ukubuka kuchisu icha Lebanoni. Likanyamula akasamba aka likwi ilya mwale,

Daniyeli 10:20

Polelo akati, “Nkimba wachimanya chicho nkwiziye? Niza pakulwa ubwite nu wantumi uwa Peleziya, umwakuti namalana nawe, uwantumi usongo uwa Gilisi izaye.

Daniyeli 2:39

“Pisinda papako pakwiza pakuba sona ubumwene ubunji, bubo butakwiza pakuba na maka nkani ngati bumwene bwako. Pisinda pache pakwiza ubumwene ubwabutatu ubwa mukuba, bubo bukwiza pakuchilaghila ichisu chosi ichapasi.

Daniyeli 7:4

“Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Daniyeli 7:5

“Nkachennya sona ichinyamana ichabubili, chicho chikabonekagha ngati we zyela. Chikakwela ulubazu loka, sona mumulomo wache chikaba ni mbazu zitatu pakasi pa mino ghache. Chikabuziwa ukuti, ‘Wee nyamuka lyanga inyama mumo ungalyela!’

Hoseya 13:7

Umwakuti nkwiza pakubanyelela ngati nkalamu, sona nkwiza pakubavwamilila ngati we zyela.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.