Daniyeli 7:4 - IBAYIBOLO 2024

⁴ “Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Daniyeli 7:4 Iomraidhean Croise

2 Samuweli 1:23

“U Sabuli nu Yonatani mubumi bwabo bakaghaniwa, sona bakaba bakuboneka akiza. Bakaba poka bo bachili bumi, sona bakaba poka bo bafuye. Bakaba bantu balubilo nkani ukughachila amazwanga. Bakaba bamaka nkani ukuzichila inkalamu.

Yobu 25:6

“Po zingaba bulibuli nu muntu, yuyo ayanite ni somi, zingaba bulibuli nu mwana uwa muntu yuyo kabunguzi bulo!”

Masalimo 9:20

Wee Mwene ubapelelaye ubogha, sona inko izinji zimanye ukuti bantu bulo.

Yelemiya 25:38

U Mwene ali ngati nkalamu yiyo yiyilekite impako yache, sona ichisu chabo chaba chisami, pachifukwa icha bantu babo bakubayivya nu bwite, sona pachifukwa icha bukali ubwa koghofya ubwa Mwene.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 48:40

U Mwene akuti, “Ennya! Uluko lumo lukwiza lukubuluka ngati lizwanga lilyo likuvikuzulila ivipapande vyache pa Mowabu.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Nkuto 4:19

Abakutuchimbizya bakaba bengo nkani, ukughachila amazwanga, Bakatuchimbizyanga mumaghamba, po bakatuvwamilila munkolongo.

Ezekiyeli 17:3

Ubabuzye ukuti, ‘U Mwene Uwamaka Ghosi akuti: Izwanga ikulu nkani lilyo lili ni vipapande ivya maka na meya amatali aghakuboneka akiza, likabuluka ukubuka kuchisu icha Lebanoni. Likanyamula akasamba aka likwi ilya mwale,

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 28:9

Nkimba ukwiza pakunena pamaso pababo bakukughogha ukuti, “Ane ne chala?” Awe we muntu bulo, tewe chala, bo uli munyobe izya babo bakukughogha.

Daniyeli 2:38

Akupiye ubulaghili pabantu ni vinyamana ni viyuni vyosi sona akulonda ukuti uvilaghilaye vyosi kosi kuko vikwikala. Umutu uwa golide ghula wewe.

Daniyeli 4:36

Pakabalilo kalakala bo ubuntu bwane bwanyokelamo, ghope nu muchizi nu buchindamu bwane bukanyokelamo, po nkapokela sona ubumwene bwane. Amakambala ghane na bantu abamahala bakampokela nu buhobosu. Bakanyosezya pachitengo chane icha bumwene umwakuti nkaba wamaka nkani ukuchila namumo nkabela pakwanda pala.

Daniyeli 7:12

Ivinyamana ivinji vikafyuliwa ubulaghili, loli vikitikiziwa pakwikala nubumi ukwa kabalilo kamo.

Daniyeli 7:5

“Nkachennya sona ichinyamana ichabubili, chicho chikabonekagha ngati we zyela. Chikakwela ulubazu loka, sona mumulomo wache chikaba ni mbazu zitatu pakasi pa mino ghache. Chikabuziwa ukuti, ‘Wee nyamuka lyanga inyama mumo ungalyela!’

Matayi 24:28

“Posi papo pali ichintu ichifwe, amazwanga ghakubungana palapala.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.