Daniyeli 7:27 - IBAYIBOLO 2024

²⁷ Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Daniyeli 7:27 Iomraidhean Croise

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Yesaya 14:2

Inko izinji zikwiza pakubavwa aba Izilayeli pakunyokela mubuzilo ubwabo nu bwabo. Inko inyinji zikwiza pakumubombela u Izilayeli, ngati bambombo abanavuli naba mbombo abakolo muchisu icha Mwene. Babo bakabalema aba Izilayeli bakwiza pakulemiwa pakuba bazya, nukubalaghila babo bakabayivyanga.

Yesaya 54:3

Pakuti ukwiza pakuvikuzulila kundilo na kumongo, abaluko lwako bakwiza pakufyula ichisu icha inko izinji, nukwikala mutwaya twabo utukulu nkani tuto tukalekiwa.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Luka 1:33

sona akwiza pakuba we Mwene uwaluko ulwa Yakobo bwila na bwila, sona ubumwene bwache bute bukamale nalumo!”

Yohani 12:34

Ichilundilo icha bantu chikamwamula chikati, “Indaghilo zyitu zikutubuzya ukuti u Kilisitu akwiza pakubangako bwila na bwila. Po, nkimba ukunena bulibuli ukuti u Mwana uwa Muntu abaghiye pakupayikiwa? U Mwana uwa Muntu yunuyu wewenu?”

1 Aba Kolinti 15:24

Po ubumalilo bukwiza, bo u Kilisitu amazya ubumwene bosi nu bulaghili bosi, sona na maka ghosi nukubika Ubumwene bula kwa Chala, Uwise.

Ubuvumbuli 11:1

Po nkapeghiwa ichipimilo icha lutete lulo lukaba ngati yo ndisa, sona nkabuziwa ukuti, “Kapime Inyumba iya Chala ni chighemo nukubelenga abantu babo bakwiputamo.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.