Daniyeli 7:26 - IBAYIBOLO 2024

²⁶ “ ‘Loli abalongi bakwiza pakulonga, bakwiza pakughefya amaka ghache, umwakuti ghananganike nukuzimila zila.

Daniyeli 7:26 Iomraidhean Croise

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”