Daniyeli 7:25 - IBAYIBOLO 2024

²⁵ Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 7:25 Iomraidhean Croise

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Daniyeli 11:28

U mwene uwa muchisu icha kumitu akwiza pakubwela kuchisu chache nu bukabi ubwinji nkani. Umoyo wache ghukwiza pakulwana nu lufingo uluzelu. Akwiza pakubombagha imbombo yache, nukunyokela kuchisu ichache ni chache.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 3:26

Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Daniyeli 8:11

Akitutumula nkani mupaka nukulonda pakulwana nu songo uwa basilikali aba kumwanya bala. Akamazya ivyakwiyipa ivya isiku ni siku kwa Chala, sona akabumongolannya Ubuzilo Ubuzelu.

Daniyeli 8:14

Akanyamula akati, “Chinichi chikwiza pakumala 2,300 ichamabwila sona na pandabindabi. Po Ubuzilo Ubuzelu bula bukwiza pakupaghuliwa sona.”

Daniyeli 8:9

Palupembe loka pakamelapo ulupembe ulunandi lulo lukaba lukulu nkani, lukennyanga kuntende, na kubufumilo ubwizuba, sona na ku Chisu Ichakuboneka akiza nkani.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

Ubuvumbuli 12:14

Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Ubuvumbuli 14:12

“Panapa pakulondiwa ukuti abantu abazelu aba Chala babanje bajivu nkani, babo bakukonka amalamulo agha Chala, sona babo bakwendelela pakumusubila u Yesu.”

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 18:24

Akaya aka Babiloni kakufundiwa pachifukwa icha libanda ilya balaghuzi, nilya bantu abazelu aba Chala sona nilya bantu bosi babo bakaboliwa muchisu ichapasi.”