Daniyeli 7:24 - IBAYIBOLO 2024

²⁴ Impembe teni bo bamwene teni, babo bakufuma mubumwene bunubu. Pisinda pabanaba, u mwene uyunji akwiza pakuboneka, yuyo akwiza pakulekana na bakwanda bala sona nukubapota abamwene batatu bala.

Daniyeli 7:24 Iomraidhean Croise

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 2:41

Ukuyana namumo ukazyenezya inyayo ni salala zyache vikaba vya chela ichakongannya ni tope, po bunubu bukwiza pakuba bumwene ubwakugabinkana. Loli bukwiza pakubanga na maka ghamo panandi pachifukwa icha chela chila.

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:23

“Po akandingannya akati, ‘Ichinyamana ichafolo, bo bumwene ubwafolo bubo bukuboneka pachisu ichapasi. Ubumwene bunubu bukwiza pakulekana na mabumwene aghanji sona chikwiza pakulya nukuvulazya sona nukukanyankila.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 17:3

Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.