Daniyeli 7:21 - IBAYIBOLO 2024

²¹ Bo nkwenelezya ulupembe lunulu lukalwanga ubwite na bantu abazelu, nukubapota.

Daniyeli 7:21 Iomraidhean Croise

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 8:12

Abantu bakananga ubuzilo ubwakubika ichakwiyipa icha isiku ni siku, ichiputo ichanaloli chikasumbiwa pasi chosi chicho ulupembe lula lukabombagha, lukapotagha.

Daniyeli 8:24

Akwiza pakuba na maka nkani, loli ghatakwiza pakuba ghache na ghache. Akwiza pakuvinangannya nkani, sona vyosi vivyo akubomba vikwiza pakumwendela akiza. Akwiza pakubanangannya abantu abamaka, na bazelu bulo.

Daniyeli 8:9

Palupembe loka pakamelapo ulupembe ulunandi lulo lukaba lukulu nkani, lukennyanga kuntende, na kubufumilo ubwizuba, sona na ku Chisu Ichakuboneka akiza nkani.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 19:19

Pisinda pache nkennya ichinyamana chila na bamwene aba muchisu ichapasi na basilikali babo bakubungana ukuti balwe ubwite na yuyo akwelite pafalasi, poka na basilikali bache.