Daniyeli 7:20 - IBAYIBOLO 2024

²⁰ Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:20 Iomraidhean Croise

Daniyeli 7:11

“Po nkendelela pakwenelezya pachifukwa icha mazyu ghagho ulupembe lukanenagha umwakwitutumula. Nkennyanga bulo mupaka ichinyamana chila chikaghoghiwa, umuvimba wache bakaghunangannya nukughusumba mumoto, uwakwaka nkani.

Daniyeli 7:19

“Polelo nkalondagha pakubumanya ubusanuzyi ubwanaloli ubwa chinyamana ichafolo, chicho chikalekana ni vinyamana ivinji vyosi, sona chikaba chakoghofya nkani. Ichinyamana chicho chikaba na mino agha chela, ni zula zyache zikaba zya mukuba. Ichinyamana chinichi chikavulazyanga nukulya sona nukukanyankila vyosi vivyo vikasyala.

Daniyeli 7:21

Bo nkwenelezya ulupembe lunulu lukalwanga ubwite na bantu abazelu, nukubapota.

Daniyeli 7:23

“Po akandingannya akati, ‘Ichinyamana ichafolo, bo bumwene ubwafolo bubo bukuboneka pachisu ichapasi. Ubumwene bunubu bukwiza pakulekana na mabumwene aghanji sona chikwiza pakulya nukuvulazya sona nukukanyankila.

Daniyeli 7:7

“Po nkachennya ichinyamana ichafolo, chicho chikabonekagha chakoghofya sona ni chamaka. Chikaba na mino amakulu nkani agha chela. Chikalyanga nukukavulannya, sona nukukanyankila vyosi vivyo vikasyala. Ichinyamana chinichi chikaba chakulekana nkani ni vinyamana ivyakwanda vila, sona chikaba ni mpembe teni.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.