Daniyeli 7:17 - IBAYIBOLO 2024

¹⁷ ‘Ivinyamana folo ivikulu nkani vila, bo bumwene folo, bubo bukwiza pakuboneka pachisu ichapasi.

Daniyeli 7:17 Iomraidhean Croise

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Daniyeli 7:16

Nkapalamila ku muntu uwa bamo yuyo akimilila palapala ukuti ambuzye na chicho ivintu vinivi vikusanusya. “Po umuntu yula akambuzya ubusanuzyi ubwa vintu vinivi akati,

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Yohani 18:36

U Yesu akamula akati, “Ubumwene bwane bute bwa muchisu ichi awe. Nanti ubumwene bwane bukabanga bwa muchisu ichi, po ngali abakonki bane bakundwila ukuti intakabikiwe munyobe izya balaghili aba Chiyuda. Awe! Ubumwene bwane bute bwa muchisu ichapasi.”

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 13:11

Po nkennya sona ichinyamana ichinji chicho chikafuma pasi pachisu. Chikaba ni mpembe zibili ngati zyo mpembe izya Mwana uwa ng'ozi, sona chikanenagha ngati yo nyivwila.