Daniyeli 7:14 - IBAYIBOLO 2024

¹⁴ Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:14 Iomraidhean Croise

Masalimo 102:22

bo abantu bosi na mabumwene, babungana poka pakumwiputa u Mwene.

Masalimo 103:19

U Mwene achikazizye ichitengo chache icha bumwene kumwanya, sona akuvilaghila ivintu vyosi mubumwene bwache.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 146:10

U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 45:6

Wee Chala ichitengo chako icha bumwene chibanjeko bwila na bwila, sona ukulaghila mubwanaloli mubumwene bwako.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 8:6

Ukamubika pakuba mulaghili uwa mbombo zyosi izya nyobe zyako, nukuvibika vyosi vinivi kusi kunyayo zyache.

Yesaya 16:5

Ichitengo icha bumwene chikwiza pakwikalana mulughano, po weka uwa luko ulwa Devedi akwiza pakwikalapo mubusubiliwa, akwiza pakulongela mubwanaloli sona walubilolubilo pakubomba ubugholosu.

Yesaya 60:12

Pakuti uluko pamo ubumwene, bubo butakukubombela bukwiza pakuzimila, ubumwene bukwiza pakumalila zila.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Daniyeli 2:35

Po ichela ni tope nu mukuba nu siliva, sona nu golide vikatiziwa pakabalilo koka, nukuba ngati lufumbi pabuzilo ubwakukomelapo inyinulo. Impepo yikavipupuzya sona patakasyalapo nakamokamo akantu. Loli ibwe lilyo likatizannya ichifwani chila likanduka pakuba lighamba ikulu nkani, sona likizula pachisu chosi ichapasi.

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 3:4

Intumi yikafumusya yikati, “Mwee bantu bosi, naba inko zyosi nuluko sona na baneno izyakulekanalekana!

Daniyeli 4:3

Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Luka 1:33

sona akwiza pakuba we Mwene uwaluko ulwa Yakobo bwila na bwila, sona ubumwene bwache bute bukamale nalumo!”

Luka 10:22

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.”

Yohani 12:34

Ichilundilo icha bantu chikamwamula chikati, “Indaghilo zyitu zikutubuzya ukuti u Kilisitu akwiza pakubangako bwila na bwila. Po, nkimba ukunena bulibuli ukuti u Mwana uwa Muntu abaghiye pakupayikiwa? U Mwana uwa Muntu yunuyu wewenu?”

Yohani 3:35

Uwise amughanite u Mwana sona abikite ivintu vyosi munyobe zyache.

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.