Daniyeli 7:10 - IBAYIBOLO 2024

¹⁰ Ulusoko ulwa moto lukendagha, ukufuma pamaso papache. Abantu amasabuzani na masabuzani bakamubombelagha, sona abantu abinji nkani bakimilila pamaso papache. Po ubulongi bukanda, ghope amabuku ghakighuliwanga.

Daniyeli 7:10 Iomraidhean Croise

1 Abamwene 22:19

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila umwakumuzyungulila kundilo na kumongo kwache.

2 Imbili 18:18

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila kundilo na kumongo kwache.

Yobu 25:3

Nkimba wewenu yuyo angababelenga abasilikali bache? Nkimba ko kwa wenu kuko ulukozyo lwache lutakulamilako?

Masalimo 103:21

Mwee basilikali bache aba kumwanya, mupalaye u Mwene, kokuti mwe babombi bache, mwe mukubomba ubwighane bwache.

Masalimo 18:8

Mumpuno zyache mukasukagha ilyosi, umoto uwakulungulizya ghukafumagha mumulomo wache, sona amazimwa aghakwaka ghakafumagha mumulomo wache mula.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 68:17

U Chala ali ni ngolo izya bwite inyinji nkani, sona u Mwene ika pighamba ilya Sinayi po iza kubuzilo bwache ubuzelu.

Yesaya 30:27

Ennya, itabwa ilya Mwene likwiza ukufumila kubutali, nu bukali bwache ubwakwaka namabingu aghilyosi, imilomo yache yizuye nu bukali nu lulimi lwache ulwa moto uwakulungulizya.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Daniyeli 7:26

“ ‘Loli abalongi bakwiza pakulonga, bakwiza pakughefya amaka ghache, umwakuti ghananganike nukuzimila zila.

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

Yuda 1:14

Akaba we Enoki uwa nkulilo iyaseveni ukwandila pa Adamu, yuyo akalaghula nizya bantu banaba ukuti, “Ennya, u Mwene akwiza na bantumi aba kumwanya abasita kubelengiwa

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 5:11

Nkenelezya sona nukwivwa izyu ilya bantumi aba kumwanya, abasita ukubelengiwa. Bakimilila umwakuzyungulila ichitengo icha bumwene chila ni vipeliwa ivyabumi folo, sona na basongo bala.