Daniyeli 7:1 - IBAYIBOLO 2024

¹ Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

Daniyeli 7:1 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 46:2

Pabusiku, u Chala akanena nawe muchisetuka akati, “Yakobo! Yakobo!” Po akamwamula akati, “Ane indi pano.”

Yobu 4:13

Pabusiku ichilota chikantamya nkani, bo abantu bali mutulo utwa kufwa nato.

Yesaya 30:8

Ilelo buka nukusimba apakusimbapo, uzisimbe mwibuku, umwakuti zibanjeko bwila na bwila.

Yesaya 8:1

U Mwene akambuzya akati, “Senda ichakusimbapo ichikulu usimbepo amasimbo amakulu aghakuti, Mahelishalali hashi bazi.

Yelemiya 23:28

“Muleke umulaghuzi yuyo alota asanusye ichilota chache, loli umulaghuzi yuyo ali na mazyu ghane aghanenele mubusubiliwa. Nkimba amapeta ghayanite bulo ni ngano? Ane ne Mwene nanena.

Yelemiya 27:7

Inko zyosi zikwiza pakumubombela yuyo nu mwana wache sona nu mwizukulu wache mupaka akabalilo kafikile kako ichisu chache chikwiza pakulaghiliwa ninko inyinji. Po abantu aba inko inyinji na bamwene abamaka bakwiza pakumupela pakuba muzya wabo.

Yelemiya 36:32

Po u Yelemiya akasenda ibuku ilinji nukumupa umusimbi u Baluki umwana uwa Neliya yuyo akasimbaghamo bo u Yelemiya akumubuzya amazyu ghosi ghagho u Yehoyakimu u mwene uwa ba Yuda akaghocha mumoto. Sona amazyu aminji aghakuyanayana bulo ghakonjeleziwapo.

Yelemiya 36:4

Po Yelemiya akamwitizya u Baluki umwana uwa Neliya. Bo u Yelemiya akumubuzya amazyu ghosi ghagho akabuziwa nu Mwene, u Baluki akaghasimba mwibuku.

Ezekiyeli 1:1

Pisiku ilyafayivi, mumwezi uwafolo, mumwaka uwa 30, bo indi pakasi pabazya palusoko ulwa Kebali, kumwanya kukighuka sona nkennya ivisetuka ivya Chala.

Ezekiyeli 40:2

Muvisetuka ivya Chala akansenda muchisu icha Izilayeli nukumbika pakanenela aka lighamba, kulubazu ulwa muntende kukaba ubuzengi bumo bubo bukabonekagha ngati kaya akakulu nkani.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 2:1

Mumwaka uwabubili bo u mwene u Nebukadineza akulaghila, akalota ichilota. Po akayimba nkani mumoyo wache umwakuti atakaghonagha nukughona.

Daniyeli 2:26

U mwene akamulalusya u Daniyeli yuyo bakatinji we Belitishazala akati, “Nkimba ungambuzya vivyo nkavyennya muchilota nukunsanuzizya?”

Daniyeli 4:13

Bo ingonite pachitala chane pabusiku bulabula, nkamwennya sona uwantumi umuzelu yuyo akikagha kumwanya.

Daniyeli 4:5

Bo ingonite pachitala chane pabusiku, nkanyila nkani pachifukwa ichakuti ichisetuka, chicho nkachennya chikaba chakoghofya.

Daniyeli 5:1

U mwene u Belishazala akaba nu lusekelo ulukulu nkani, po akaghitizya amakambala ghache 1,000, nukung'wela nabo poka uvinyo.

Daniyeli 5:22

“Loli awe, we mwana wache u Belishazala utakiyisya wemwene napapo ukazimanya zyosi zinizi.

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Daniyeli 7:15

“Ane ne Daniyeli, nkatamiwa nkani mumoyo, sona nkaba nubogha nkani pachifukwa icha zizyo nkazyennya muvisetuka vyane, po zikanvulungannya nkani.

Daniyeli 7:7

“Po nkachennya ichinyamana ichafolo, chicho chikabonekagha chakoghofya sona ni chamaka. Chikaba na mino amakulu nkani agha chela. Chikalyanga nukukavulannya, sona nukukanyankila vyosi vivyo vikasyala. Ichinyamana chinichi chikaba chakulekana nkani ni vinyamana ivyakwanda vila, sona chikaba ni mpembe teni.

Daniyeli 8:1

Mumwaka wabutatu bo u mwene u Belishazala akulaghila, ane ne Daniyeli nkachennya ichisetuka, pisinda pa chisetuka ichakwanda.

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Habakuku 2:2

Po u Mwene akamula akati, “Busimbe umwakwivwika nkani ubuvumbuli bunubu pamabwe amapapate, umwakuti umuntu yuyo akububelenga, angababelengela akiza abantu abanji.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

2 Aba Kolinti 12:1

Imbaghiye nendelele pakwituvya, napapo chitalipo nachimochimo chicho ningakabapo. Loli losi ulu nkwiza pakunena nizya visetuka nu buvumbuli ubwa Mwene.

Ubuvumbuli 1:19

Polelo simba vivyo wavyennya, ivintu vivyo vikubombiwa ilelo, sona na vivyo vikwiza pakubombiwa muntazi.

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”