Daniyeli 6:4 - IBAYIBOLO 2024

⁴ Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Daniyeli 6:4 Iomraidhean Croise

Ubwandilo 41:38

Po u Falabo akabalalusya akati, “Nkimba tungamwagha yumo yuyo ayanite nu muntu uyu, yuyo mumwache muli umuzimu uwa Chala?”

Ubwandilo 43:18

Bakanyila nkani pachifukwa bakabuka nabo kunyumba iya Yosefu po bakati, “Akutwinjizya munyumba pachifukwa icha ndalama zizyo tukazyagha mumasaka ghitu pakwanda pala. Akulonda alwaghilepo ulusako ulwakutulemela nukutupela pakuba twe bazya bache poka ni mpunda zyitu.”

Ivyili 29:27

Abagholosu bababengite nkani abantu ababibi, umwakuyana bulo bope abantu ababibi bababengite nkani abagholosu.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Yelemiya 29:7

Mukalondelaye umutende sona nukuti ivintu vikendelaye akiza akaya akakulu nkani kuko imbasendeyeko pakuba bazya. Mukiputilaye kwa Mwene, pachifukwa ichakuti nanti akaya akakulu kala ivintu vikukendela akiza, namwe bulo ivintu vikwiza pakubendela akiza.”

Daniyeli 3:8

Pakabalilo kalakala abantu bamo aba mu Babiloni bakalwaghilapo ulusako ulwakubasamulila aba Yuda.

Daniyeli 5:12

U Daniyeli yunuyu, yuyo u mwene u Nebukadineza akamusapila itabwa ilya kuti we Belitishazala akaghiwa ukuti ali na mahala, nakivwisizye, sona nu bumanyi ubwa kusanuzizya ivilota, pakulingannya ivyili sona nukumazya intamyo impalapala nkani. Mwitizye u Daniyeli, po akwiza pakubabuzya ubusanuzyi ubwa masimbo ghanagha.”

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Matayi 26:4

Bakanenezannya mumo bangamulemela u Yesu kubusyefu nukumughogha.

Matayi 27:18

U Pilati akazimanya akiza nkani ukuti abalaghili aba Chiyuda bamubikite u Yesu munyobe zyache pachifukwa icha kabini bulo.

Luka 20:20

Po bakalonda akabalilo akiza. Bakababeka abatendezi bamo ukuti baboneke banaloli nukubatuma ukuti bamuteghe u Yesu na malalusyo, ukuti bamubike munyobe izya mulaghili uwa Chiloma.

Luka 20:26

Po abantu bakapotwa pakumutegha pa zizyo akanena pachilundilo icha bantu. Po bakaba bulo myee pakuti ilyamulo lyache likabamala amahala.

Luka 22:2

Abaputi abasongo na bamanyisi aba Ndaghilo bakalondagha izila iya kubusyefu iyakumughoghela u Yesu pachifukwa ichakuti bakanyilagha abantu.

Yohani 19:4

U Pilati akafuma sona kuzi nukubabuzya aba Yuda ukuti, “Ennya, nkumufumya kuzi ukuti namwe bulo mumanye ukuti intamwaghitepo ninongwa nayimoyimo.”

2 Aba Kolinti 11:12

Sona chicho nkubomba nkwiza pakwendelela pakuchibomba, umwakuti intakabape ulusako abatumiwa abanji bala ulwakwituvikizya nukuti bakubomba vivyo aswe tukubomba.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

Titi 2:8

Ineno yako yibanje yanaloli yiyo abantu batangayisusya, umwakuti isoni zibalemaye abalwani bako, bo bapotwa pakuchagha ichibibi chimo ichakuti batunene aswe.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Pitala 3:16

Umabyebye winyu abanje mololo, umwakuti abantu babo bakubatuka pachifukwa icha nkalo yinyu inyiza mwa Kilisitu bakoziwe isoni pa vivyo bakunena.

Abalongi 14:4

Abapapi bache batakamanyagha ukuti akaba we Mwene yuyo akamulongozya u Samusoni pakubomba bunubu, pakuti u Mwene akalondagha akabalilo akiza nkani akakuti alwile naba Filisiti. Pakuti pakabalilo kalakala aba Filisiti bakabalaghilagha aba Izilayeli.

1 Samuweli 12:4

Abantu bala bakamula bakati, “Awe, utatuzimbuyepo pamo ukutuyivya napo panandi. Utamufyulitepo umuntu nayumoyumo ichintu chache.”

1 Samuweli 18:14

U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 22:14

U Ahimeleki akamwamula u mwene akati, “Wee mwene nkimba alipo yumo pakasi pa bambombo bako yuyo musubiliwa nkani kukwako ukumuchila u Devedi, umukwalima wako, yuyo mulongozi uwa basilikali bako, sona muchindikiwa nkani munyumba yako?