Daniyeli 6:23 - IBAYIBOLO 2024

²³ U mwene yula akahoboka nkani umwakuti akalamula ukuti bamwefyemo u Daniyeli muchiliba icha nkalamu chila. Bo bamwefyamo u Daniyeli muchiliba mula, atakabapo ni chilonda nachimochimo, pachifukwa ichakuti akamusubila u Chala wache.

Daniyeli 6:23 Iomraidhean Croise

1 Abamwene 5:7

Bo u Hilamu ivwa amazyu agha Solomoni akahoboka nkani. Po akati, “Ilelo apaliwanje u Mwene, pakuti amupa u Devedi umwana uwamahala ukuti alaghilaye uluko ulukulu nkani ulu.”

1 Imbili 5:20

U Chala akabavwa pakulwa ubwite naba Hagili, poka na balwani babo pachifukwa ichakuti bakamulaba ukuti abavwe. Po u Chala akabamula ulwiputo lwabo pakuti bakamusubila.

2 Imbili 20:20

Pandabindabi nkani bakabuka kunkolongo iya Tekowa. Bo bali muzila, u Yehoshafati akimilila, po akati, “Mwee bantu aba mu Yuda, naba mu Yelusalemu, ivwa kuno! Mumusubilaye u Mwene u Chala winyu, po mukwiza pakujimba. Mubasubilaye abalaghuzi bache, po mukwiza pakupota.”

Masalimo 18:21

Pakuti nazikonkagha indaghilo izya Mwene, sona intabombitepo nayimo imbibi nukumukana u Chala wane.

Masalimo 37:40

U Mwene akubavwa nukubapoka. Akubapoka munyobe izya bantu ababibi, pachifukwa ichakuti bakuchimbilila kukwache.

Ukufuma 18:9

U Yetulo akahoboka pakwivwa ivintu ivyiza vyosi vivyo u Mwene akababombela aba Izilayeli pakubapoka munyobe izya ba Ijiputi.

Ivyili 18:10

U Mwene ali ngati chitembe ichamaka, mumo abagholosu bangaponelamo.

Yesaya 26:3

Awe we Mwene we ukubapa umutende uwakufikapo, pabantu babo bakulemasizye pachifukwa ichakuti bakusubiye.

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 3:25

U mwene yula akati, “Ennya nkubennya abantu folo bakwendakwenda mumoto bo basatuliwe, sona batavulaye napo panandi. Umuntu wafolo akuboneka ngati po mwana uwa bachala.”

Daniyeli 6:14

Bo u mwene ivwa zinizi, akatamiwa nkani mumoyo, po akayezya nkani pakumupoka u Daniyeli, mupaka izuba likinjila.

Daniyeli 6:18

U mwene akanyokela kunyumba yache, po ubusiku bulabula atakalyapo nachimochimo ichintu, pamo pakuba nacho chimo ichakumusekelezya, sona atakaghona utulo.

Maliko 9:23

U Yesu akati, “Choni chicho mukunena ukuti, ‘Nanti ungachibomba?’ Vyosi vipepe bulo nu muntu yuyo ali nulusubilo.”

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu