Daniyeli 6:22 - IBAYIBOLO 2024

²² U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Daniyeli 6:22 Iomraidhean Croise

Ubwandilo 40:15

Pakuti naloli nkibiwa muchisu icha ba Hebeli, sona na kuno bulo intanangitepo nachimo ichakuti banyighalile nacho mujele.”

2 Samuweli 22:7

Bo indi muntamyo, nkamwitizya u Mwene. Nkamwitizya u Chala wane. Bo ali munyumba yache, akivwa izyu lyane, sona ukulila kwane kukafika mumakutu ghache.

1 Abamwene 13:28

po akabuka nukuwagha umuvimba ghulambalaye pamusebo, bo inkalamu ni mpunda vyimiliye palubazu palapala, pakuti inkalamu yitakaghulya umuvimba pamo ukuyizepulannya impunda.

2 Imbili 32:21

U Mwene akamutuma uwantumi wache nukubazimizya abalwabwite bosi na balongozi sona na basongo aba basilikali muvisakasa ivya mwene uwamu Asiliya. Po akanyokela kukaya kache bo isoni zimulemite. Bo injila munyumba iya chala wache, abana bache abalumendo bakamughogha nupanga.

Masalimo 118:28

Awe we Chala wane, po nkupalizyanje, sona nkwiza pakufumusya nizya bukulu bwako.

Masalimo 26:6

Nkusukusula munyobe zyane ukulanjizya ukuti intanangitepo, loli nkukuchindika pakwenda umwakuzyungulila pachighemo chako.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 34:7

Uwantumi uwa Mwene akubavighililagha babo bakumuchindika, sona akubapoka bosi.

Masalimo 38:21

Wee Mwene utakandekaye nemwene, wee Chala wane utakabanje kubutali nane.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 37:18

Po u Yelemiya akamulalusya u mwene u Zedekiya akati, “Nkimba nongwa yoni yiyo indi nayo kukwako pamo ku makambala ghako pamo ku bantu aba ukuti imbikiwe mujele?

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 6:20

Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Daniyeli 6:23

U mwene yula akahoboka nkani umwakuti akalamula ukuti bamwefyemo u Daniyeli muchiliba icha nkalamu chila. Bo bamwefyamo u Daniyeli muchiliba mula, atakabapo ni chilonda nachimochimo, pachifukwa ichakuti akamusubila u Chala wache.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Daniyeli 6:7

Aswe twebosi poka twe balongozi na balaghili na makambala sona na balaghili twivwana ukuti ubike ululaghilo ulwakuti nanti umuntu yumo aghiwa akubiputa abachala abanji, pamo umuntu uyunji mumasiku 30 ghagho ghakwiza, ukwefyako awe wemwene asumbiwanje muchiliba icha nkalamu.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Ukubelengiwa 20:16

Loli bo twamulilila u Mwene, akivwa ukulila kwitu nukututumila uwantumi yuyo akatwefyamo mu Ijiputi. Losi ulu tuli pa Kadeshi, mukaya akakulu kako kali mumpaka iya chisu chinyu.

Matayi 27:46

Pachamabwila pakabalilo aka fili koloko, u Yesu akalila nizyu ilya pamwanya nukuti, “Eloyi, Eloyi lama sabakatani?” Ichi chikung'anamula ukuti, “Wee Chala wane, wee Chala wane, nkimba choni chicho wandeka?”

Imbombo 12:11

Po u Pitala akazyaghannya zizyo zikabombiwa kukwache nukuti, “Ilelo nazimanya ukuti zyanaloli! U Mwene akatuma uwantumi wache ukuti ize ampoke kwa Helodi na vyosi vivyo aba Yuda bakinong'onagha ukuti vikwiza pakubombiwa kukwane.”

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Imbombo 27:23

Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane,

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”

1 Samuweli 26:18

Akanena sona akati, “Nkimba choni chicho u mwene wane akundondelezya bunubu ne mubombi wache? Nkimba nabomba ichoni? Nkimba napalaghula nongwa yoni?