Daniyeli 6:2 - IBAYIBOLO 2024

² Po akamusala u Daniyeli poka na banji babili ukuti benelezyanje imbombo iya balaghili, umwakuti u mwene atakayimbaye nachimochimo.

Daniyeli 6:2 Iomraidhean Croise

Ezila 4:22

Zinizi zibombiwe lubilolubilo, pakuti ntangitikizya ukuti ichintu chibibi chinichi chibombiwe nukunvulazya ane ne mwene.

Esitele 7:4

Pakuti ane poka na bantu abaluko lwane twaghuliziwa umwakuti abantu bakulonda pakutunangannya, ukutughogha sona nukutuzimizya. Nanti bakalondagha pakutughulizya bulo pakuba bazya, aswe twe banavuli na bakolo, ngali napuma bulo ukusita ukunenapo nachimochimo, pachifukwa ichakuti intamyo zyitu zitangamuvulungannya u mwene.”

Ivyili 26:6

Umuntu yuyo akumutuma umupunganu, ayanite bulo nu muntu yuyo akudumula inyayo zyache nukwilondela mwene intamyo.

Ivyili 3:16

Ni nyobe yache indilo akupa ubumi ubutali, ni nyobe yache iyamongo akupa ubukabi nu muchizi.

Daniyeli 5:16

Polelo nivwa ukuti ungambuzya ubusanuzyi bwache, sona nukumazya intamyo inkafu. Nanti ungaghabelenga amasimbo ghanagha nukumubuzya ghakusanusya ichoni, ukwiza pakuvwikiwa inkazo inchesamile iya bumwene nu bunyololo ubwa golide musingo, sona ukwiza pakuba we songo uwabutatu mubumwene bwane.”

Daniyeli 5:29

Po u Belishazala akalamula ukuti bamuvwikaye u Daniyeli amenda amachesamile nu bunyololo ubwa golide musingo yache, sona akamukwezya pachitengo ukuti abanje wabutatu muchisu chilachila.

Daniyeli 5:7

U mwene yula akabitizya abalaghuzi abakunena ni mizimu na basanuzyi aba vilota, ukuti bize pamaso papache. Po akababuzya abantu abamahala akati, “Umuntu wesi yuyo angabelenga amasimbo ghanagha nukumubuzya ukuti ghakusanusya choni, akwiza pakuvwikiwa inkazo inchesamile, sona nu bunyololo ubwa golide musingo yache, po akwiza pakukweziwa pachitengo pakuba wabutatu mubumwene bwane.”

Daniyeli 6:1

Chikamuhobosya u mwene u Daliyasi pakubimika abalaghili 120 ukuti balaghilaye mubumwene bwache bosi.

Matayi 18:23

Pakuti Ubumwene ubwa Kumwanya buyanite bulo nu mwene yuyo akalonda pakubelengela inkongole yiyo abambombo bache bakakopa kukwache.

Luka 16:2

Po akamwitizya nukumulalusya ukuti, ‘Nkimba choni chicho nkwivwa nizya awe? Zagha nu kalata uwakulingannya namumo wabombela, pachifukwa ichakuti utangaba we kapitawa sona.’

1 Aba Kolinti 4:2

Po ichintu chicho chikulondiwa na bakapitawa banaba, chakuti babanje basubiliwa.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.