Daniyeli 6:10 - IBAYIBOLO 2024

¹⁰ Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Daniyeli 6:10 Iomraidhean Croise

1 Abamwene 8:30

Ivwa ulwiputo ulwa mubombi wako, sona nizya bantu bako aba Izilayeli, bo bakwiputa pabuzilo ubu. Ivwa uko kumwanya kuko ukwikala nukutuhobokela.

1 Abamwene 8:38

po nanti abantu bako aba Izilayeli bakwiputa umwakulambilizya sona nanti umuntu wesi azimanya intamyo zizyo zyamuwila, nukukwezya inyobe zyache mumwanya pakwiputa mu Nyumba iyi,

1 Abamwene 8:44

“Nanti wabalamula abantu bako ukuti babuke pakulwa ubwite na balwani babo, sona nanti bakukwiputa we Mwene mukaya akakulu nkani kako wakasala, ni Nyumba yiyo nakuzengela,

1 Abamwene 8:54

Bo u Solomoni amala pakwiputa nukumulambilizya u Mwene, akimilila pantazi pachighemo icha Mwene, papo akafughama bo akwezizye inyobe zyache mumwanya.

2 Imbili 6:13

Pakabalilo kalakala akapanga ichighemo icha mukuba chicho mubutali chikaba amamita mabili, mububaba chikaba imita yoka, sona mumwanya chikaba amamita folo nukuchibika pakasikasi muntanda. Po akakwela pachighemo pala nukufughama pamaso pa chilundilo chosi icha ba Izilayeli, bo agholosizye inyobe zyache mumwanya.

2 Imbili 6:38

Nanti abantu bako bapinduka nu moyo wabo ghosi nu muzimu wabo ghosi muchisu icha buzya sona nanti bakwiputa bo bakwennya kuchisu chicho ukabapa abanyenya babo, nakaya akakulu kako wakasala sona ni Nyumba yiyo nakuzengela,

Ezila 9:5

Pachamabwila pakabalilo akakubikila ichakwiyipa, nkanyamuka bo insulumanizye, sona bo invwalite amenda ni nkazo yane inzepuke yila, nkafughama pasi, bo nkwezizye inyobe zyane kwa Mwene u Chala wane.

Nehemiya 6:11

Loli nkamula nkati, “Nkimba ane ne muntu uwakuti ningachimbila? Nkimba ane ne muntu uwakuti ningavwama mu Nyumba iya Chala, ukuti impone? Awe intakubukako!”

Masalimo 34:1

Nkwiza pakumupalagha u Mwene akabalilo kosi, sona amapalo ghache ghakwiza pakuba mumulomo wane akabalilo na kabalilo.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 55:17

Pandabindabi, na pamusanya, sona na pachamabwila, nkulila nukukoloma, po akwivwa izyu lyane.

Masalimo 86:3

Wee Mwene mpelela ichisa, pakuti isiku lyosi nkukulilila.

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

Daniyeli 6:13

Po bakamubuzya u mwene yula bakati, “Wee mwene, u Daniyeli weka uwa bantu babo bakafuma ku Yuda bala atakukwivwila, pamo ukulukonka ululaghilo lulo ukalusimikizya pakusimba. Achili akwiputa katatu pisiku.”

Daniyeli 9:4

Nkiputa kwa Mwene u Chala wane nukwilata imbibi zyane nkati, “Wee Mwene, we Chala umukulu sona nu wakuswighisya, ukukwanilisya ulufingo lwako nukubaghana abantu babo bakughanite nukughakonka amalamulo ghako.

Yona 2:4

Po nkati, ‘Wee Mwene nataghiwa nukwepapo papako, sona ntakwiza pakuyennya Inyumba yako izelu?’

Maliko 3:3

U Yesu akamubuzya umuntu uwa nyobe indemazu yula akati, “Imilila, zagha kuntazi kuno.”

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

Luka 22:41

Po akabuka pabutalipo papo ibwe lingafika bo akulisumba. Akafughama nukwiputa.

Imbombo 10:9

Indabi yache, bo bali muzila, sona bo bakupalamila mu Yopa, u Pitala akakwela pachisonje ukuti ipute bo izuba lili pamutu.

Imbombo 2:15

Abantu banaba batakolizwe ukuyana namumo mukubinong'onela pakuti aka ko kabalilo aka nayini koloko pandabindabi.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 20:36

Bo u Pabuli amalizya, akafughama nukwiputa poka nabo.

Imbombo 21:5

Loli bo akabalilo akakwikalila nabo kamala, tukanyamuka nukwendelela nu bulendo bwitu. Abamanyili bosi poka na bachi na bana babo bakatusindikila mupaka kuzi ukwa kaya kalakala. Kulakula pa bwima tukafughama nukwiputa.

Imbombo 3:1

Isiku limo u Pitala nu Yohani bakabukagha mu Nyumba iya Chala pakabalilo aka fili koloko pachamabwila, akabalilo aka nyiputo.

Imbombo 4:29

Polelo Mwene, wenelezye mumo bakutoghofesezya, po utwavwe aswe twe, babombi bako, pakulumbilila amazyu ghako nu bujivu nkani.

Imbombo 5:20

“Bukagha mu Nyumba iya Chala nukubabuzya abantu zyosi nizya bumi ubupya ubu.”

Imbombo 5:29

U Pitala na batumiwa bamo bakamula bakati, “Tubaghiye tumwivwile u Chala, nukuchila ukuti tubivwile abantu.

Imbombo 7:60

Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.

Imbombo 9:40

U Pitala akabafumya bosi kuzi, akafughama nukwiputa. Akaghalabukila ku muvimba nukuti, “Wee Tabita, nyamuka!” Po akighula amaso ghache, bo amwennya u Pitala, akanyamuka nukwikala.

Aba Efeso 3:14

Pachifukwa ichi, losi ulu nkumufughamilila u Tata,

Aba Filipi 1:14

Pachifukwa ichakuti indi mujele, abakamu bane abinji bakujimba nkani mwa Mwene, sona bakulumbilila amazyu agha Chala umwakusita ubogha nabumobumo.

Aba Filipi 1:20

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.