Daniyeli 5:7 - IBAYIBOLO 2024

⁷ U mwene yula akabitizya abalaghuzi abakunena ni mizimu na basanuzyi aba vilota, ukuti bize pamaso papache. Po akababuzya abantu abamahala akati, “Umuntu wesi yuyo angabelenga amasimbo ghanagha nukumubuzya ukuti ghakusanusya choni, akwiza pakuvwikiwa inkazo inchesamile, sona nu bunyololo ubwa golide musingo yache, po akwiza pakukweziwa pachitengo pakuba wabutatu mubumwene bwane.”

Daniyeli 5:7 Iomraidhean Croise

Ubwandilo 41:8

Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.

Esitele 3:1

Bo pachilapo akabalilo, u mwene u Ahaziwelo akamukwezya u Hamani umwana uwa Hamedata, umu Agagi pakumupa ichitengo icha muchizi ukubachila abalongozi abanji bosi.

Ukufuma 7:11

Bunubo u Falabo akabitizya abantu bache abamahala na bamayele, umwakuti bope bakabomba bulabula.

Ivyili 1:9

Pakuti yo mpumpu iya kumutu wako, na mambo agha musingo yako.

Inyimbo izya Solomoni 1:10

Isaya zyako zikuboneka akiza pachifukwa icha ndelebele izya mumakutu ghako, sona ni vyakwibonesekezya akiza vivyo vili musingo yako.

Yesaya 47:13

Walita pakwivwa ubumanyisi ubwa mahala kubamanyantondwa, babo umwezi nu mwezi bakunena nizya muntazi. Baleke babapoke pazizyo zikwiza pakubawila.

Yelemiya 50:35

“Nizite nu bwite pachisu icha Babiloni, napa bantu babo bakwikala mulamula, sona napa makambala napa bantu abamahala! Ane ne Mwene nanena.

Ezekiyeli 16:11

Nkakuyannya nivyakwibonesekezya akiza nukukuvwika ivibangili munyobe zyako na mambo musingo yako,

Daniyeli 1:20

Akabalilo kosi kako u mwene akalalusyanga nizya vintu vivyo vikalondagha amahala pamo akivwisizye, abalumendo banaba bakaba na mahala aka teni ukubachila abamayele na balaghuzi aba mubumwene bwache bosi.

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 2:2

U mwene akabitizya abamayele na balaghuzi na bakunena ni mizimu, sona na basanuzyi aba vilota umwakuti bamubuzye ichilota chila. Bo binjila, bakimilila pamaso pa mwene,

Daniyeli 2:27

U Daniyeli akamula akati, “Atalipo nayumoyumo umuntu uwamahala nu wakunena ni mizimu nu wamayele nu mulaghuzi, yuyo angakulingannya izyakubusyefu zizyo ukulonda pakumanya.

Daniyeli 2:48

Po u mwene akamupa u Daniyeli ichitengo icha pamwanya nkani nukumulundikila ivyabupi ivyiza ivyinji nkani. Akamubika pakuba mulaghili uwa chisu chosi icha Babiloni, akamubika sona pakuba we songo uwa bantu bosi abamahala.

Daniyeli 2:6

Loli nanti mwambuzya ichilota chicho indotite, sona nukundingannya ukuti chikusanusya ichoni, nkwiza pakubapa ivyabupi nu muvwalo, sona mukwiza pakuchindikiwa nkani. Po mumbuzye ichilota chane, sona nukuti chikusanusya ichoni.”

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 5:15

Abantu abamahala na bakulaghula bakiza nabo pantazi papane ukuti baghabelenge amasimbo ghanagha nukumubuzya ukuti ghakusanusya ichoni, loli bakapotwa.

Daniyeli 5:16

Polelo nivwa ukuti ungambuzya ubusanuzyi bwache, sona nukumazya intamyo inkafu. Nanti ungaghabelenga amasimbo ghanagha nukumubuzya ghakusanusya ichoni, ukwiza pakuvwikiwa inkazo inchesamile iya bumwene nu bunyololo ubwa golide musingo, sona ukwiza pakuba we songo uwabutatu mubumwene bwane.”

Daniyeli 5:29

Po u Belishazala akalamula ukuti bamuvwikaye u Daniyeli amenda amachesamile nu bunyololo ubwa golide musingo yache, sona akamukwezya pachitengo ukuti abanje wabutatu muchisu chilachila.

Ukubelengiwa 22:17

Ane nkwiza pakukulipila akiza nkani nukukubombela chosi chicho wambuzya. Zagha ungunile abantu banaba.’ ”

Ukubelengiwa 22:7

Po abalongozi aba ba Mowabu naba Midiyani bakabuka, sona bakapaya indalama izyakulaghulila. Bo bafika kwa Balamu bakamubuzya amazyu agha Balaki ghala.

Ukubelengiwa 24:11

Losi ulu bwelagha! Ane nkakubuzya ukuti nkwiza pakukuchindika nkani, loli u Mwene akukanizya ukuti nkuchindike.”

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”