Daniyeli 5:23 - IBAYIBOLO 2024

²³ Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Daniyeli 5:23 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

2 Abamwene 14:10

Awe naloli ubapotite aba Edomu, polelo ukwitutumula. Wituvyanje pachifukwa ichakuti upotite, loli ikala bulo panyumba yako. Nkimba choni chicho ukwilondela intamyo zizyo zingakunangannya awe poka na bantu aba mu Yuda?”

Yobu 12:10

Munyobe yache momumo muli ubumi ubwa vipeliwa vyosi, sona nu muyi uwa bantu bosi.

Yobu 31:4

Nkimba atakuzyennya izila zyane nukughabelenga amatamba ghane ghosi?

Masalimo 104:29

Nanti ukuvipa inkonto, vikuba nubogha, nanti wafyula umuyi, vikufwa nukunyokela kwitope.

Masalimo 115:16

Kumwanya kwa Mwene, loli ichisu ichapasi abapiye abantu.

Masalimo 139:3

Ukunyennya nanti nkwenda, sona nanti nkulambalala, umwakuti uzimenye izila zyane zyosi.

Masalimo 146:4

Nanti umuntu afwa, akunyokela kwitope, po pisiku lilalila imbatiko zyache zikumalila palapala.

Ivyili 20:24

Izila zyitu zikulamuliwa nu Mwene po nkimba umuntu angayimanya bulibuli izila yache?

Yesaya 13:11

Nkwiza pakuchifunda ichisu ichapasi pachifukwa icha mbibi zyache, ababibi pambibi zyabo. Nkwiza pakumazya ukwituvya ukwa bakwitutumula, nukubisya pasi aba kwikwezya sona na bakali.

Yesaya 14:13

Ukanenagha mumoyo wako ukuti, ‘Nkwiza pakukwela kumwanya, nukukwezya ichitengo icha bumwene, pamwamya pantondwa izya Chala, nkwiza pakwikala pachitengo pighamba ilya kumitu, kuko abachala bakubunganaghako.

Yesaya 2:12

Pisiku ilya Mwene Uwamaka Ghosi, akwiza pakubisya abantu bosi abamituvyo na bakwitutumula Akwiza pakubapota abantu bosi abakwikwezya,

Yesaya 33:10

U Mwene akuti, “Ilelo nkwiza pakunyamuka, ilelo nkwiza pakupaliwa sona ilelo nkwiza pakukweziwa.

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 42:5

U Chala u Mwene akapela ichisu ichakumwanya nukuvikuzula, akapela ichisu ichapasi navyosi vivyo vikufuma mumo, akubapa umuyi abantu bache, sona akubapa ubumi babo bakwendapo.

Yelemiya 10:23

Wee Mwene, zizyo inzimenye zyakuti, ubumi bubo umuntu ali nabo te bwache napo panandi, umuntu atakwilongozyapo mwene.

Yelemiya 48:26

U Mwene akuti, “Mumupele ukuti akolwe, pachifukwa icha kumusambukila u Mwene. Mumuleke u Mowabu aghalaghataye mumatapisi ghache, muleke abe chakusekiwa.

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Ezekiyeli 28:17

Ukwikwezya pachifukwa icha kuboneka akiza kwako, ukaghanangannya amahala ghako pachifukwa icha buchindamu bwako. Po nkakusumbila pasi, ukuti ubanje chimanyilo pamaso pa bamwene.

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 28:5

Pachifukwa icha bumanyi bwako pakughulizannya, wabalizya ubukabi bwako, sona pachifukwa icha bukabi bwako wikwezya nkani.

Ezekiyeli 31:10

“ ‘Polelo u Mwene Uwamaka Ghosi akuti: Pachifukwa ichakuti ikwi lila likakula nukufika kumwanya, sona likituvyanga pachifukwa icha butali bwache,

Daniyeli 11:12

U mwene uwa kuntende akwiza pakwitutumula pachifukwa icha bupoti sona na pakubaghogha abasilikali abinji, loli atakwiza pakupotagha akabalilo kosi.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Daniyeli 8:11

Akitutumula nkani mupaka nukulonda pakulwana nu songo uwa basilikali aba kumwanya bala. Akamazya ivyakwiyipa ivya isiku ni siku kwa Chala, sona akabumongolannya Ubuzilo Ubuzelu.

Habakuku 2:4

“Ennya te basubiliwa sona banyinong'ono inyonganu, loli abantu abagholosu bakwiza pakuba nubumi, pachifukwa ichalwitiko lwabo.

Imbombo 17:25

Sona atakulonda ubwavwilizi ubwa muntu, pachifukwa ichakuti umwene atakusobelwa nachimochimo. Pakuti umwene weyuyo akubapa abantu ubumi nu muyi, sona ni vinji vyosi.

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

1 Timoti 3:6

Atakabanje muntu yuyo apinduka nukuzileka imbibi lunulu bulo, pakunyila ukuti angituvya nukufundiwa ukuyana namumo u Satana akafundiliwa.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.

Abalongi 16:23

Isiku limo abamwene aba ba Filisiti bakabungana poka pakubika ivyakwiyipa kwa chala wabo u Dagoni nukuba nu lusekelo. Bakanena bakati, “Uchala witu amubika umulwani witu u Samusoni munyobe zyitu.”

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.