Daniyeli 5:20 - IBAYIBOLO 2024

²⁰ Loli pachifukwa ichakuti akituvyanga, nukukazya umoyo sona nukwitutumula nkani, akefiwapo pachitengo chache icha bumwene nukumufyula ubuchindamu.

Daniyeli 5:20 Iomraidhean Croise

2 Abamwene 17:14

Loli aba Izilayeli batakivwilagha, sona bakaba na moyo amakafu nkani ngati mumo bakabela abanyenya babo, babo batakamusubila u Mwene u Chala wabo.

2 Imbili 32:25

Loli u Hezekiya atakapalizya pavivyo u Mwene akamubombela, po u Mwene akamukalalila nkani poka na bantu aba Yuda naba mu Yelusalemu.

2 Imbili 36:13

Akamusambukila sona u mwene u Nebukadineza napapo akamulapizya ichilapo mwitabwa ilya Chala. Akaba numoyo umukafu nkani umwakuti atakanyokela kwa Mwene u Chala uwa Izilayeli.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Ukufuma 9:17

Loli pope bulo uchili ukwituvya nukukana pakubitikizya abantu bane ukuti babukaye.

Ukufuma 9:7

U Falabo akabuzikizya zizyo zikabombiwa, po akagha ukuti chitakabapo nachimochimo ichitekwa icha ba Izilayeli chicho chikafwapo. Loli pope bulo umoyo uwa Falabo ghukaba mukafu nkani, umwakuti atakabitikizya aba Izilayeli ukuti babukaye.

Ivyili 16:18

Amituvyo ghakumunanga umuntu, sona ukwitutumula kukumuwisya umuntu.

Ivyili 16:5

U Mwene ababengite abantu abamituvyo, po naloli bakwiza pakufundiwa.

Yesaya 47:1

U Mwene akuti, “Wee kaya akakulu nkani aka Babiloni, epapo pachitengo nukwikala palufumbi, awe we Kaladeya we kaya kane, kako katamumenye nalumo umwanavuli, ikapo pachitengo icha bumwene, utakwiza pakwitiziwa ukuti we mulindu umwiza loli we muzya.

Yelemiya 13:18

“Umubuzye u mwene nu nyina uti, ‘Ika pa vitengo vyinyu ivya bumwene, pakuti impumpu zyinyu izya buchindamu, zyavuliwa kumitu yinyu.’

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 48:18

“Mwee bantu aba ku Diboni, ikapo pabuchindamu bwinyu, nukwikala pachisu ichumizu. Pakuti yuyo akunangannya ichisu icha Mowabu, akwiza pakulwa namwe, nukughamongolannya amalinga ghako.

Ezekiyeli 30:6

“ ‘U Mwene akuti: Babo bakuchavwa ichisu icha Ijiputi bakwiza pakughoghiwa, po amaka ghagho bakwituvya nagho ghakwiza pakumala. Ukwanda ku Migidoli mupaka ku Aswani, bakwiza pakufwila kubwite, u Mwene Uwamaka Ghosi anena.

Ezekiyeli 31:10

“ ‘Polelo u Mwene Uwamaka Ghosi akuti: Pachifukwa ichakuti ikwi lila likakula nukufika kumwanya, sona likituvyanga pachifukwa icha butali bwache,

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 4:26

Ululaghilo ulwakuchileka ichisinko poka na magululuzi ghache, lukusanusya ukuti ubumwene bwako bukwiza pakunyokela sona kukwako, nanti wamanya ukuti u Chala weyuyo akulaghila pachisu chosi ichapasi.

Daniyeli 4:28

Ivintu vyosi vinivi vikamuwila u mwene u Nebukadineza.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Daniyeli 8:8

Po usabwe yula akaba na maka nkani. Loli bo amaka ghache ghaba minji nkani, ulupembe lwache ulukulu nkani lula lukapyoka, papo pakamelapo impembe folo inkulu nkani, zizyo zikennyanga kunkuto zyosi folo izya kumwanya.

Luka 18:14

U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Aba Hebeli 3:13

Loli mukazannyanje isiku ni siku, bo tuli na Masimbo aghakuti, “Ilelo.” Bomba bunubu umwakuti nayumo umuntu mumwinyu atakazimbuliwe ni mbibi nukuba mukafu mumoyo.

1 Samuweli 6:6

Nkimba choni chicho mukuba na moyo amakafu ngati mumo bakabombela aba Ijiputi poka nu Falabo? Pakabalilo kako u Chala akabayivya aba Ijiputi, nkimba aba Ijiputi bala batakabitikizya aba Izilayeli ukuti babukaye?