Daniyeli 5:19 - IBAYIBOLO 2024

¹⁹ Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Daniyeli 5:19 Iomraidhean Croise

2 Abamwene 25:28

Akanena nawe umwakumupelela ichisa nukumupa ubuzilo ubwamuchizi ukubachila abamwene bosi abanji babo bakaba nawe mu Babiloni.

Ivyili 16:14

Ubukali ubwa mwene yo ntumi iya bufwe, loli umuntu uwamahala weyuyo akubwisya ubukali bulabula.

Umulumbilili 8:3

Epapo lubilolubilo pamaso pa mwene nanti chimo chitakumuhobosya, pakuti angabomba chosi chicho chingamuhobosya.

Ezekiyeli 31:11

nkalibika munyobe izya mulongozi uwa inko ukuti alibombele ukuyana nu bubibi bwache,

Daniyeli 11:12

U mwene uwa kuntende akwiza pakwitutumula pachifukwa icha bupoti sona na pakubaghogha abasilikali abinji, loli atakwiza pakupotagha akabalilo kosi.

Daniyeli 11:16

U mwene uwa kumitu akwiza pakubomba zizyo akulonda, atalipo nayumo, yuyo akwiza pakwiminkana nawe. Akwiza pakwikalana muchisu ichakuboneka akiza nkani, po ivintu vyosi vikwiza pakuba pasi pabulaghili bwache.

Daniyeli 11:3

Po u mwene uwamaka nkani akwiza pakuboneka, yuyo akwiza pakulaghilagha nu bulaghili ubukulu nkani, sona akwiza pakubombagha zizyo zikumuhobosya.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 3:4

Intumi yikafumusya yikati, “Mwee bantu bosi, naba inko zyosi nuluko sona na baneno izyakulekanalekana!

Daniyeli 3:6

Nanti umuntu yumo atakufughama pasi nukuchiputa ichifwani chinichi, akwiza pakusumbiwa mumoto uwa muvuno.”

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Habakuku 2:5

Momumo, uvinyo akumuzimbula umuntu, akwituvya sona atakuba nu mutende. Pachifukwa ichakuti mupafu ngati mapumpa, napapo atakwikuta nalumo ngati bo bufwe, akwibunganikila mwene abantu aba inko zyosi, nukubasenda abantu abanji pakuba bakayidi.

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Aba Loma 13:1

Umuntu wesi abivwilaye abalaghili aba muchisu pakuti umuntu atangaba mulaghili nanti u Chala atamwimikite. Abalaghili bosi babo baliko bakimikiwa nu Chala.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.