Daniyeli 5:13 - IBAYIBOLO 2024

¹³ Bakiza nu Daniyeli pamaso pa mwene, po u mwene akamulalusya akati, “Nkimba awe we Daniyeli weka uwa bazya, yuyo utata u mwene akabasenda muchisu icha Yuda?

Daniyeli 5:13 Iomraidhean Croise

Ezila 10:16

Po abantu abakunyokako kubuzya bala bakabomba bunubu. Umuputi u Ezila akabasala abantu babo bakaba balongozi abamunyumba, ukuyana nu tubukatila twabo sona na matabwa ghabo. Pisiku ilyakwanda ilya mwezi uwa 10 bakanda pakwennya inongwa izya banavuli babo bakaba na bachi abayeni.

Ezila 10:7

Bakafumusya muchisu chosi icha Yuda, na mu Yelusalemu ukuti abantu bosi babo bakanyokako kubuzya babungane mu Yelusalemu.

Ezila 4:1

Bo abalwani aba bantu aba mu Yuda, naba mu Benjamini, bivwa ukuti abantu babo bakanyokako kubuzya banda pakuzenga Inyumba iya Mwene, u Chala uwa Izilayeli,

Ezila 6:16

Po aba Izilayeli, kokuti abaputi naba Levi na banji bosi babo bakanyokako kubuzya bakaba nu lusekolo ulwakupaghulila Inyumba iya Chala umwakuhoboka nkani.

Daniyeli 1:1

Mumwaka uwabutatu, bo u mwene u Yehoyakimu akulaghila muchisu icha Yuda, u mwene u Nebukadineza uwamu Babiloni akakazyungulila akaya akakulu nkani aka Yelusalemu ukuti alwe nako ubwite.

Daniyeli 1:2

Po u Mwene akamubika u Yehoyakimu munyobe zyache, sona akasenda ivibombelo vimo ivya mu Nyumba iya Chala nukubuka navyo kunyumba iya bachala bache muchisu icha Babiloni, sona akavibika ivibombelo vila muvipinda ivyakusungilamo ubukabi.

Daniyeli 1:21

U Daniyeli akikala kulakula mupaka mumwaka uwakwanda bo u mwene u Sayilasi anda pakulaghila.

Daniyeli 1:6

Bamo aba balumendo bala bo aba: U Daniyeli nu Hananiya nu Mishayeli nu Azaliya, sona bosi bakaba ba muchisu icha Yuda.

Daniyeli 2:25

Lubilolubilo u Aliyoki akamusindikila u Daniyeli pamaso pa mwene, po akati, “Wee mwene, namwagha umukayidi yumo pakasi paba Yuda, yuyo angakusanuzizya ichilota chako.”

Daniyeli 2:48

Po u mwene akamupa u Daniyeli ichitengo icha pamwanya nkani nukumulundikila ivyabupi ivyiza ivyinji nkani. Akamubika pakuba mulaghili uwa chisu chosi icha Babiloni, akamubika sona pakuba we songo uwa bantu bosi abamahala.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 5:14

Nivwa ukuti umuzimu uwa bachala ghuli mumwako, nukuti we wakuvyaghannya ivintu, we mumanyi, sona we wamahala.

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Daniyeli 5:2

Bo u Belishazala akung'wela uvinyo, akalamula abantu ukuti bize ni mbako izya golide, nizya siliva zizyo uwise u Nebukadineza akasenda mu Nyumba iya Chala mu Yelusalemu, umwakuti yuyo na makambala ghache na bachi bache, poka na bachi bache abazya bang'welelayemo.

Daniyeli 6:13

Po bakamubuzya u mwene yula bakati, “Wee mwene, u Daniyeli weka uwa bantu babo bakafuma ku Yuda bala atakukwivwila, pamo ukulukonka ululaghilo lulo ukalusimikizya pakusimba. Achili akwiputa katatu pisiku.”

Daniyeli 8:1

Mumwaka wabutatu bo u mwene u Belishazala akulaghila, ane ne Daniyeli nkachennya ichisetuka, pisinda pa chisetuka ichakwanda.

Daniyeli 8:27

Ane ne Daniyeli nkalita nkani, sona nkabinapo amasiku aminji. Po nkanyamuka nukubuka pakubomba imbombo kunyumba iya mwene. Nkaswigha nkani ni chisetuka chila sona intakachivwisyanga.

Yohani 7:1

Pisinda pache u Yesu akendendekagha muchigaba icha Galileya. Atakalondagha ukwendakwenda muchigaba icha Yudeya pakuti abalaghili aba Chiyuda bakalondagha pakumughogha.

Yohani 7:3

Po abawamwabo aba Yesu bakanena nawe bakati, “Fumako kuno ubukaye muchigaba icha Yudeya, umwakuti abantu babo bakukukonka bope bennyanje zizyo ukubomba.