Daniyeli 5:12 - IBAYIBOLO 2024

¹² U Daniyeli yunuyu, yuyo u mwene u Nebukadineza akamusapila itabwa ilya kuti we Belitishazala akaghiwa ukuti ali na mahala, nakivwisizye, sona nu bumanyi ubwa kusanuzizya ivilota, pakulingannya ivyili sona nukumazya intamyo impalapala nkani. Mwitizye u Daniyeli, po akwiza pakubabuzya ubusanuzyi ubwa masimbo ghanagha.”

Daniyeli 5:12 Iomraidhean Croise

Masalimo 16:3

Pakuti abantu abazelu babo bali pachisu ichapasi, bo bantu bachindikiwa babo nkuhoboka nabo.

Ivyili 12:26

Umuntu umugholosu akumulongozya umupalamani wache, loli izila iya muntu umubibi yikumusovya.

Ivyili 17:27

Umuntu uwamahala atakunena ivintu mwalwemwalwe, sona umuntu uwakwivwisya ivintu atakukalala mwalwemwalwe.

Ezekiyeli 28:3

Nkimba uli na mahala ukumuchila u Daniyeli? Nkimba katalipo nakamokamo kako kakubusyefu kukwako?

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 2:26

U mwene akamulalusya u Daniyeli yuyo bakatinji we Belitishazala akati, “Nkimba ungambuzya vivyo nkavyennya muchilota nukunsanuzizya?”

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 4:8

Pabumalilo u Daniyeli, yuyo akwitiziwanga ukuti Belitishazala, lilyo litabwa ilya chala wane, sona yuyo umuzimu uwa bachala abazelu ghuli mumwache akiza pamaso papane, po nkamubuzya ichilota chane chila.

Daniyeli 5:14

Nivwa ukuti umuzimu uwa bachala ghuli mumwako, nukuti we wakuvyaghannya ivintu, we mumanyi, sona we wamahala.

Daniyeli 5:16

Polelo nivwa ukuti ungambuzya ubusanuzyi bwache, sona nukumazya intamyo inkafu. Nanti ungaghabelenga amasimbo ghanagha nukumubuzya ghakusanusya ichoni, ukwiza pakuvwikiwa inkazo inchesamile iya bumwene nu bunyololo ubwa golide musingo, sona ukwiza pakuba we songo uwabutatu mubumwene bwane.”

Daniyeli 6:3

U Daniyeli akalanjizya ukuti angabombako imbombo akiza nkani ukughachila amakambala aghanji ghosi, sona na balongozi bosi, po u mwene akamusala pakuba mulaghili uwa chisu chosi.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Aba Kolosi 1:29

Ichi cho chifukwa nkwiyula nkani, ukuyana na maka ghagho u Kilisitu akumpa, ghagho ghakubomba imbombo mumwane.