Daniyeli 5:1 - IBAYIBOLO 2024

¹ U mwene u Belishazala akaba nu lusekelo ulukulu nkani, po akaghitizya amakambala ghache 1,000, nukung'wela nabo poka uvinyo.

Daniyeli 5:1 Iomraidhean Croise

Ubwandilo 40:20

Naloli bo ghachilapo amasiku matatu pakaba ulusekelo ulwakupapiwa ukwa Falabo, po u Falabo akaghitizya amakambala ghache ghosi. Akamufumya mujele uwakumupa uvinyo nu wakupiya ivibama yula nukubimika pamaso pa makambala ghache.

Esitele 1:3

Po mumwaka uwabutatu bo akulaghila, akabayanizizya ulusekelo ulukulu nkani abalongozi na makambala ghache ghosi. Palapala pakabapo abasongo aba basilikali aba mu Peleziya naba mu Mediya na bana aba bamwene sona na balongozi aba muvigaba.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yesaya 22:14

U Mwene Uwamaka Ghosi anvumbuliye mumakutu ghane ukuti, “Naloli mutakwiza pakuhobokeliwa pachifukwa icha mbibi zinizi, mupaka mufwe.” U Mwene Uwamaka Ghosi anena.

Yelemiya 50:35

“Nizite nu bwite pachisu icha Babiloni, napa bantu babo bakwikala mulamula, sona napa makambala napa bantu abamahala! Ane ne Mwene nanena.

Yelemiya 51:39

Loli nanti bakalala, nkwiza pakubayanizizya ulusekelo, nukubapela ukuti bakolwe, umwakuti basekaye umwakukolomoka, po bakwiza pakughona utulo utwakufwa nato, nukuti batakwiza pakunyamuka sona. Ane ne Mwene nanena.

Yelemiya 51:57

Nkwiza pakughapela amakambala ghache na bantu abamahala pakuba bachakolwa, poka na balaghili na balongozi sona na basilikali bulo. Bakwiza pakughona utulo utwakufwa nato sona batakwiza pakulamusya. Ane ne Mwene Uwamaka Ghosi nanena.”

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.