Daniyeli 4:7 - IBAYIBOLO 2024

⁷ Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Daniyeli 4:7 Iomraidhean Croise

Ubwandilo 41:24

Imitu imighande iya malezi yikamila imitu inyine akiza yila. Po nkababuzya abantu abamayele bala, loli atakabapo nayumo umuntu uwakuti angang'anamulila ivilota vyane.”

Ubwandilo 41:8

Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.

Masalimo 37:35

Nkamwennya umuntu umubibi akwituvya sona akukweziwa, ngati likwi ilya lizwangwa.

Yesaya 44:25

nene nkavivulungannya ivimanyilo, ivya balaghuzi abamyasi, nukubapela bapunganu babo bakunena ivya muntazi, akubamala amaka abamahala, nukubapela pakuba bapunganu,

Ezekiyeli 31:3

Nkwiza pakumufwanikizya u Asiliya nikwi ilya mwale, ilya mu Lebanoni lilyo lili nisamba izya kuboneka akiza, zizyo zikupa akazundila mumusitu. Isamba intali nkani zizyo zikufika kumwanya.

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 2:10

Abasanuzyi aba vilota bala bakamwamula u mwene bakati, “Wee mwene, atalipo nayumoyumo umuntu pachisu ichapasi, yuyo angazibomba zizyo ukulonda! Atalipo nayumoyumo u mwene usongo sona uwamaka, yuyo abalabitepo abamayele, pamo abalaghuzi, pamo abasanuzyi aba vilota ukuti babombaye ichintu ngati chinichi.

Daniyeli 2:27

U Daniyeli akamula akati, “Atalipo nayumoyumo umuntu uwamahala nu wakunena ni mizimu nu wamayele nu mulaghuzi, yuyo angakulingannya izyakubusyefu zizyo ukulonda pakumanya.

Daniyeli 2:7

Bakamula sona bakati, “Wee mwene, tubuzye twe bambombo bako ichilota chako, po tukwiza pakukubuzya ukuti chikusanusya ichoni.”

Daniyeli 3:8

Pakabalilo kalakala abantu bamo aba mu Babiloni bakalwaghilapo ulusako ulwakubasamulila aba Yuda.

Daniyeli 4:18

Ichi cho chilota chicho ane ne Nebukadineza nkalota. Ilelo awe Belitishazala unsanusizyeko ichilota chinichi, pakuti atalipo nayumoyumo umuntu weka uwamahala pakasi pabantu bane abamahala mubumwene bwane, babo bangansanuzizya ichilota chinichi. Loli awe ungazibomba zinizi, pachifukwa ichakuti umuzimu uwa bachala abazelu ali mumwako.

Daniyeli 5:7

U mwene yula akabitizya abalaghuzi abakunena ni mizimu na basanuzyi aba vilota, ukuti bize pamaso papache. Po akababuzya abantu abamahala akati, “Umuntu wesi yuyo angabelenga amasimbo ghanagha nukumubuzya ukuti ghakusanusya choni, akwiza pakuvwikiwa inkazo inchesamile, sona nu bunyololo ubwa golide musingo yache, po akwiza pakukweziwa pachitengo pakuba wabutatu mubumwene bwane.”

Daniyeli 5:8

Abantu bosi abamahala bala bakinjila, loli bakapotwa pakughabelenga amasimbo ghala pamo ukumubuzya chicho ghakasanusyanga.