Daniyeli 4:4 - IBAYIBOLO 2024

⁴ Ane ne Nebukadineza nkafwasa bulo munyumba yane iya bumwene, pakuti ivintu vikanyendelagha akiza nkani munyumba yane iya bumwene.

Daniyeli 4:4 Iomraidhean Croise

Yesaya 56:12

Abaching'wela banaba bakuti, ‘Zagha, tung'wele uvinyo! Zagha tukolwe ubwalwa! Indabi yikwiza pakuba ngati ilya ilelo, lumo likwiza pakuchilapo panapa.’ ”

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Ezekiyeli 28:17

Ukwikwezya pachifukwa icha kuboneka akiza kwako, ukaghanangannya amahala ghako pachifukwa icha buchindamu bwako. Po nkakusumbila pasi, ukuti ubanje chimanyilo pamaso pa bamwene.

Ezekiyeli 29:3

Umubuzye ukuti, ‘U Mwene Uwamaka Ghosi akuti: Nkukususya awe we Falabo, u mwene uwamu Ijiputi, awe we nyivwila inkulu, yiyo yikughona pakasi patusoko. Ukuti, “Ulusoko ulwa Nayilo lwane, nkipangila ne mwene.”

Daniyeli 2:11

Wee mwene, chicho ukulaba chintu ichipalapala nkani. Atalipo nayumoyumo umuntu yuyo angakuvumbulila, loli abachala bene, babo batakwikala pakasi pabantu.”

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 5:8

Abantu bosi abamahala bala bakinjila, loli bakapotwa pakughabelenga amasimbo ghala pamo ukumubuzya chicho ghakasanusyanga.

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’