Daniyeli 4:34 - IBAYIBOLO 2024

³⁴ Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 4:34 Iomraidhean Croise

2 Samuweli 22:31

“Izila izya Chala witu zyakufikapo, sona amazyu agha Mwene, ghanaloli. We ngulu iya bosi babo bakuchimbilila kukwache.

1 Imbili 29:10

U Devedi akamupalizya u Mwene pantazi pa chilundilo chosi akati, “Wee Mwene u Chala witu uwa Izilayeli, upaliwanje bwila na bwila.

1 Imbili 29:13

Wee Chala witu, tukukupalizya, tukulichindika itabwa lyako ichindamu.

Yobu 1:21

nukuti, “Nkiza nkule ukufuma mulwanda lwamayi, po nkwiza pakunyokela nkule. U Mwene akampa sona weyuyo anfyulite. Itabwa ilya Mwene lipaliwanje.”

Masalimo 10:16

U Mwene weyuyo akulaghila bwila na bwila, Inko zikwiza pakuzimila muchisu chache.

Masalimo 102:24

Po nkati, “Wee Chala wane, utakanyefyanje bo inchili intaghosipite, amaka ghako ghatakwanduka mupaka bwila na bwila.

Masalimo 107:15

Bamupalaye u Mwene, pachifukwa icha lughano lwache ulwa bwila na bwila, sona ni mbombo zyache izyakuswighisya pabantu,

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 107:31

Bamupalaye u Mwene, pachifukwa icha lughano lwache ulwa bwila na bwila, sona ni mbombo zyache izyakuswighisya pabantu bache.

Masalimo 107:8

Bamupalaye u Mwene, pachifukwa icha lughano lwache ulwa bwila na bwila, pachifukwa icha mbombo zyache izyakuswighisya pabantu.

Masalimo 111:7

Imbombo izya nyobe zyache nsubiliwa sona ngolosu, amalamulo ghache ghope masubiliwa.

Masalimo 121:1

Nkwinusya amaso ghane kumaghamba, nkimba ubwavwilizi bwane bukufuma kwiyi?

Masalimo 123:1

Nkwinusya amaso ghane kukwako, we ukwikala pachitengo icha bumwene kumwanya.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 146:10

U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 66:7

Na maka ghache akulaghila bwila na bwila, sona amaso ghache ghope ghakubennya abantu aba inko izinji. Po abantu abakusambuka batakikwezyanje.

Masalimo 7:17

Nkumupalizya u Mwene pachifukwa icha bwanaloli bwache, sona nkwiza pakumwimbilagha inyimbo izya mapalo u Chala Uwakumwanya Nkani.

Masalimo 9:2

Nkwiza pakuhoboka nukusekela pachifukwa icha wewe, sona nkwiza pakulipalagha itabwa lyako, wee Wakumwanya Nkani.

Masalimo 92:1

Chintu chiza nkani pakumupala u Mwene. Ukulyimbila inyimbo itabwa lyako, Wee Wakumwanya Nkani,

Yesaya 13:11

Nkwiza pakuchifunda ichisu ichapasi pachifukwa icha mbibi zyache, ababibi pambibi zyabo. Nkwiza pakumazya ukwituvya ukwa bakwitutumula, nukubisya pasi aba kwikwezya sona na bakali.

Yesaya 2:11

Abantu abamituvyo bakwiza pakukoziwa isoni, sona abantu abakwitutumula bakwiza pakwisiwa pasi. U Mwene weyuyo mpela akwiza pakukweziwa pisiku lilalila.

Yesaya 24:15

Polelo amwe mweba kubufumilo bwizuba mumupe ubuchindamu u Mwene, mulikwezyanje itabwa ilya Mwene, u Chala uwa Izilayeli musungo zyosi izya munyanja.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Nkuto 3:38

Pakuti ulusayo ni chighune, vyosi vikufuma mumulomo uwa Wakumwanya Nkani.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Daniyeli 4:26

Ululaghilo ulwakuchileka ichisinko poka na magululuzi ghache, lukusanusya ukuti ubumwene bwako bukwiza pakunyokela sona kukwako, nanti wamanya ukuti u Chala weyuyo akulaghila pachisu chosi ichapasi.

Daniyeli 4:3

Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 4:36

Pakabalilo kalakala bo ubuntu bwane bwanyokelamo, ghope nu muchizi nu buchindamu bwane bukanyokelamo, po nkapokela sona ubumwene bwane. Amakambala ghane na bantu abamahala bakampokela nu buhobosu. Bakanyosezya pachitengo chane icha bumwene umwakuti nkaba wamaka nkani ukuchila namumo nkabela pakwanda pala.

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Daniyeli 5:21

Akefiwapo pakasi pabantu, sona inyinong'ono zyache zikaba ngati zya chinyamana. Akikalagha pakasi pampunda sona akalyanga isote ngati ng'ombe, nukunyeka ni nganda mupaka pabumalilo akazyaghannya ukuti u Chala Uwakumwanya Nkani, weyuyo akulaghila sona akumusala wesi yuyo akulonda pakumusala.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Daniyeli 9:14

U Mwene atakazyelapo pakutuwisizya intamyo, pakuti u Mwene u Chala witu we mugholosu muvintu vyosi vivyo akubomba, loli pope bulo tutakamwivwila.

Yona 1:14

Po bakamwiputa u Mwene, bakati, “Wee Mwene, twalamba utakatwitikizye ukuti tufwe pachifukwa icha bumi ubwa muntu uyu. Utakatupe inongwa pachifukwa icha bufwe ubwa umuntu umusita nongwa.”

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Luka 1:33

sona akwiza pakuba we Mwene uwaluko ulwa Yakobo bwila na bwila, sona ubumwene bwache bute bukamale nalumo!”

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Yohani 5:26

Ngati mumo Uwise mbwibwi iyabumi, umwakuyana bulo amupeleye nu Mwana wache pakuba mbwibwi iyabumi.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

1 Timoti 6:16

U Chala mwene bulo atakufwapo nalumo, sona akwikala mu lukozyo lulo nayumo umuntu angapalamilako. Nayumo umuntu yuyo amwenizyepo pamo angamwennya. Kukwache kubanje umuchizi na maka bwila na bwila. Ameni.

Ubuvumbuli 10:6

Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 4:9

Ivipeliwa ivyabumi folo vila vikwimbagha inyimbo izya buchindamu nu muchizi nukumupalizya yuyo ikaye pachitengo icha bumwene, sona yuyo mumi bwila na bwila. Bo vikwimba bunubu,