Daniyeli 4:31 - IBAYIBOLO 2024

³¹ Bo achili akunena, izyu ilya kumwanya likati, “Wee mwene Nebukadineza ubumwene bwafyuliwa kukwako.

Daniyeli 4:31 Iomraidhean Croise

Ubwandilo 14:18

Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo.

Yobu 20:23

Bo alya nukwikuta, u Chala akwiza pakumufunda nu bukali bwache nukumuwisizya ubukali bwache ngati vula.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Ivyili 29:23

Ukwituvya ukwa muntu kukumuwisya mwene, loli umuntu uwakwiyisya abantu bakumuchindika.

Yesaya 14:27

Nkimba wewenu yuyo angakanizya, zizyo u Mwene Uwamaka Ghosi inong'ona? Inyobe yache yigholosiwe bulo, nkimba wewenu yuyo angayinyosyako?

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 4:24

“Wee mwene, ubu bo busanuzyi, sona lo lulaghilo lulo Uwakumwanya Nkani alubika umwakususannya nawe.

Daniyeli 4:26

Ululaghilo ulwakuchileka ichisinko poka na magululuzi ghache, lukusanusya ukuti ubumwene bwako bukwiza pakunyokela sona kukwako, nanti wamanya ukuti u Chala weyuyo akulaghila pachisu chosi ichapasi.

Daniyeli 4:30

akalalusya akati, “Nkimba kanaka te kaya akakulu nkani aka Babiloni, kako nkakazenga na maka aghane na ghane pakuba kaya aka bumwene sona nukuba kaya aka buchindamu ubukulu nkani?”

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 5:20

Loli pachifukwa ichakuti akituvyanga, nukukazya umoyo sona nukwitutumula nkani, akefiwapo pachitengo chache icha bumwene nukumufyula ubuchindamu.

Daniyeli 5:28

“Pelesi: Kokuti ubumwene bwako bwagabinkana, po bwabikiwa munyobe izya ba Medi naba Pelesi.”

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Yohani 12:28

Tata, chindika itabwa lwako!” Po izyu likivwika kumwanya likati, “Nalichindika kale, po nkwiza pakulichindika sona.”

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 15:23

Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”