Daniyeli 4:3 - IBAYIBOLO 2024

³ Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 4:3 Iomraidhean Croise

Yobu 25:2

U Chala wemwenecho uwa bulaghili, po abantu bosi bamunyilaye. Akwikazya umutende mubumwene bwache ubwa kumwanya nkani.

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 105:27

Bakapela ivyika vyache pakasi papabo, ni viswigho vyache muchisu icha Hamu.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 66:7

Na maka ghache akulaghila bwila na bwila, sona amaso ghache ghope ghakubennya abantu aba inko izinji. Po abantu abakusambuka batakikwezyanje.

Masalimo 72:18

U Mwene u Chala uwa ba Izilayeli apaliwanje, weyuyo mwene akubomba ivyakuswighisya.

Masalimo 77:19

Ukadumusannya pamayigha aghamaka nkani, izila yako yikenda pamizi amibizu, pope bulo ukudindiwa ukwanyayo zyako kutakaboneka.

Masalimo 86:10

Pakuti we mukulu nkani sona imbombo zyako zyakuswighisya. Awe wemwene mpela we Chala.

Masalimo 92:5

Imbombo zyako nkulu nkani, we Mwene Zyope inyinong'ono zyako nyibizu nkani.

Yesaya 25:1

Wee Mwene, awe we Chala wane, nkwiza pakulikwezya nukulipala itabwa lyako, pachifukwa icha busubiliwa bwako ubwakufikapo, wabomba ivyakuswighisya vivyo ukabatika kale.

Yesaya 28:29

Amahala ghosi ghanagha ghakufuma kwa Mwene Uwamaka Ghosi, u Mwene wakuswighisya, ubumanyisi bwache bwakuswighisya, sona amahala ghache ghakufikapo.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Daniyeli 2:2

U mwene akabitizya abamayele na balaghuzi na bakunena ni mizimu, sona na basanuzyi aba vilota umwakuti bamubuzye ichilota chila. Bo binjila, bakimilila pamaso pa mwene,

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Aba Loma 11:33

Mwee, bo bukabi boni ubwa Chala! Amahala ghache nu bumanyi bwache vyibizu nkani! Wewenu yuyo angalingannya ubulongi bwache? Nkimba wewenu angivwisya izila zyache?

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

Aba Hebeli 1:8

Loli bo u Chala anena nizya Mwana wache, akati, “Wee Chala, ichitengo chako icha bumwene chikwiza pakubangako bwila na bwila. Ubugholosu yo ndisa iya bumwene bwako.

Aba Hebeli 2:4

U Chala wepe akasimikizya ukwendela muvimanyilo, ni viswigho, sona ni vyika ivyakulekanalekana pakubagabila ivyabupi ivya Muzimu Umuzelu ukuyana nu bwighane bwache.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”