Daniyeli 4:26 - IBAYIBOLO 2024

²⁶ Ululaghilo ulwakuchileka ichisinko poka na magululuzi ghache, lukusanusya ukuti ubumwene bwako bukwiza pakunyokela sona kukwako, nanti wamanya ukuti u Chala weyuyo akulaghila pachisu chosi ichapasi.

Daniyeli 4:26 Iomraidhean Croise

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Daniyeli 2:19

Pabusiku izyakubusyefu zila zikavumbuliwa muvisetuka kwa Daniyeli. Po u Daniyeli akamupala u Chala uwakumwanya

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Daniyeli 4:15

Loli uchileke ichisinko poka na magululuzi ghache, sona uchipinye ichisinko chilachila nu bunyololo ubwa mukuba nukuchileka mwisote. Muleke mwisote mulamula ukuti anyekaye munganda, sona muleke ikale poka ni vinyamana poka ni sote.

Daniyeli 4:23

“Wee mwene, ukamwennya uwantumi umuzelu akwika kumwanya akuti, ‘Lidumule ikwi nukulinangannya, loli uchileke ichisinko, bo uchipinyiliye ni chela nu mukuba nukuchileka mwisote, sona amagululuzi ghache ghabe mwitope. Muleke anyekaye ni nganda, sona ikalaye poka ni vinyamana mupaka amaka seveni.’

Daniyeli 4:31

Bo achili akunena, izyu ilya kumwanya likati, “Wee mwene Nebukadineza ubumwene bwafyuliwa kukwako.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Daniyeli 5:20

Loli pachifukwa ichakuti akituvyanga, nukukazya umoyo sona nukwitutumula nkani, akefiwapo pachitengo chache icha bumwene nukumufyula ubuchindamu.

Daniyeli 5:21

Akefiwapo pakasi pabantu, sona inyinong'ono zyache zikaba ngati zya chinyamana. Akikalagha pakasi pampunda sona akalyanga isote ngati ng'ombe, nukunyeka ni nganda mupaka pabumalilo akazyaghannya ukuti u Chala Uwakumwanya Nkani, weyuyo akulaghila sona akumusala wesi yuyo akulonda pakumusala.

Matayi 21:20

Bo abamanyili bennya zinizi, bakaswigha nkani nukumulalusya u Yesu ukuti, “Nkimba ichikuyu chinichi chumiye bulibuli umwalubilolubilo?”

Matayi 5:34

Loli ilelo nkubabuzya ukuti utakalapilaye napo panandi bulo. Utakalapilaye pakutambula ukuti, ‘Kumwanya.’ Pakuti kumwanya cho chitengo icha Bumwene icha Chala.

Luka 15:18

Nkwiza pakunyamuka nukubuka kwa tata wane nukuti: Wee tata, namunangila u Chala poka nawe bulo.

Luka 15:21

Umwana yula akati, ‘Tata, namunangila u Chala poka nawe bulo. Ntabaghiye nukwitiziwa sona mwana wako.’