Daniyeli 4:25 - IBAYIBOLO 2024

²⁵ Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:25 Iomraidhean Croise

Masalimo 103:19

U Mwene achikazizye ichitengo chache icha bumwene kumwanya, sona akuvilaghila ivintu vyosi mubumwene bwache.

Masalimo 106:20

Bakatanana u Chala umuchindamu, ni chifwani icha ngwata, yiyo yikulya isote.

Masalimo 75:7

Loli we Chala yuyo akudumula inongwa, akumwisya yumo nukumukwezya uyunji.

Masalimo 83:18

Bakumanye ukuti naloli awe itabwa lyako we Mwene, we Wakumwanya Nkani pachisu chosi ichapasi ichi.

Yelemiya 27:5

Namaka ghane amakulu nkapela ichisu ichapasi, na bantu bache sona ni vinyamana vivyo vikwikala mulamula, sona nkumupa umuntu wesi yuyo nighanite pakumupa.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 4:16

Inyinong'ono zyache zyanduke pakuba zya chinyamana amaka seveni.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.