Daniyeli 4:24 - IBAYIBOLO 2024

²⁴ “Wee mwene, ubu bo busanuzyi, sona lo lulaghilo lulo Uwakumwanya Nkani alubika umwakususannya nawe.

Daniyeli 4:24 Iomraidhean Croise

Yobu 20:29

Ubu bo bumalilo ubwa muntu umubibi, bubo u Chala amusungiye, umuvwalo ghugho u Chala akalamula ukuti umuntu yula akwiza pakupokela.”

Masalimo 107:40

Loli u Mwene akwiza pakubatanizya abantu abamanyikwe, nukubapela ukuti bendabendaye bulo munkolongo mumo mute umusebo.

Masalimo 148:6

Akavyikazya mubuzilo bwache bwila na bwila, sona akabika ilamulo lilyo litanganduliwa.

Masalimo 2:7

Nkwiza pakuzifumusya indaghilo izya Mwene ukuti, “Awe we mwana wane, ilelo naba ne ghuso.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 20:28

Ulughano nu busubiliwa vikumusungilila u mwene sona ichitengo chache chikusungililiwa nu bugholosu.

Yesaya 23:9

U Mwene Uwamaka Ghosi weyuyo akabatika ukuti akuwisye pasi, ukwituvya kosi ukwa buchindamu, nukubasamula abachindikiwa bosi pachisu ichapasi.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.