Daniyeli 4:18 - IBAYIBOLO 2024

¹⁸ Ichi cho chilota chicho ane ne Nebukadineza nkalota. Ilelo awe Belitishazala unsanusizyeko ichilota chinichi, pakuti atalipo nayumoyumo umuntu weka uwamahala pakasi pabantu bane abamahala mubumwene bwane, babo bangansanuzizya ichilota chinichi. Loli awe ungazibomba zinizi, pachifukwa ichakuti umuzimu uwa bachala abazelu ali mumwako.

Daniyeli 4:18 Iomraidhean Croise

Ubwandilo 40:12

Po u Yosefu akamwamula akati, “Ichi cho ching'anamulo icha chilota chako: Isamba zitatu zila gho masiku matatu.

Ubwandilo 41:15

U Falabo akamubuzya u Yosefu akati, “Nalotite chilota, loli atalipo nayumo umuntu yuyo angang'anamulila. Loli nivuye ukuti awe nanti wivwa ichilota ungang'anamulila.”

Ubwandilo 41:8

Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.

Yesaya 19:3

Amaka ghakwiza pakubawila aba Ijiputi, nkwiza pakuzivulungannya inyinong'ono zyabo pakuba zyabulo, bakwiza pakubuzikizya kuvifwani na kumizimu iya bafwe, kubamayele sona na kubavipandwa.

Daniyeli 1:20

Akabalilo kosi kako u mwene akalalusyanga nizya vintu vivyo vikalondagha amahala pamo akivwisizye, abalumendo banaba bakaba na mahala aka teni ukubachila abamayele na balaghuzi aba mubumwene bwache bosi.

Daniyeli 2:38

Akupiye ubulaghili pabantu ni vinyamana ni viyuni vyosi sona akulonda ukuti uvilaghilaye vyosi kosi kuko vikwikala. Umutu uwa golide ghula wewe.

Daniyeli 2:7

Bakamula sona bakati, “Wee mwene, tubuzye twe bambombo bako ichilota chako, po tukwiza pakukubuzya ukuti chikusanusya ichoni.”

Daniyeli 5:15

Abantu abamahala na bakulaghula bakiza nabo pantazi papane ukuti baghabelenge amasimbo ghanagha nukumubuzya ukuti ghakusanusya ichoni, loli bakapotwa.

Daniyeli 5:8

Abantu bosi abamahala bala bakinjila, loli bakapotwa pakughabelenga amasimbo ghala pamo ukumubuzya chicho ghakasanusyanga.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.