Daniyeli 4:17 - IBAYIBOLO 2024

¹⁷ Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:17 Iomraidhean Croise

1 Abamwene 21:25

Patakabapo nayumoyumo umuntu uwakuyana nu Ahabu, yuyo akaba nu lweke nkani pakubomba ivintu ivibibi pamaso pa Mwene umwakusonjeleziwa nu muchi wache u Yezibeli.

2 Imbili 28:22

Bo u Ahazi akukomana nintamyo zilazila, atakaba musubiliwa kwa Mwene.

Masalimo 103:19

U Mwene achikazizye ichitengo chache icha bumwene kumwanya, sona akuvilaghila ivintu vyosi mubumwene bwache.

Masalimo 12:8

Abantu ababibi bakwembela bulo, bo abantu bakubupala ububibi.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Yesaya 6:8

Po nkivwa u Mwene akuti, “Nkimba wenu yuyo nkwiza pakumutuma? Nkimba wenu yuyo akwiza pakubuka mubuzilo bwitu?” Nkamula nkati, “Indi pano! Ntuma nene!”

Ezekiyeli 25:17

Nkwiza pakubatanizya nkani nukubafunda nubukali bwane. Po bakwiza pakumanya ukuti ane ne Mwene, bo nkubatanizya.’ ”

Ezekiyeli 7:24

Nkwiza na bantu ababibi aba inko, pakufyula inyumba zyabo. Nkwiza pakumazya amaka abakwituvya, sona ubuzilo bwabo ubuzelu, bukwiza pakuba bunyazu.

Daniyeli 11:21

“Mubuzilo bwache akwiza pakuboneka umuntu yuyo abantu batakwiza pakumupima pakuba we mwene, yuyo umwakuchenusya bulo akwiza pakubufyula ubumwene mubuchevu.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Aba Loma 13:1

Umuntu wesi abivwilaye abalaghili aba muchisu pakuti umuntu atangaba mulaghili nanti u Chala atamwimikite. Abalaghili bosi babo baliko bakimikiwa nu Chala.

1 Aba Kolinti 1:28

Po akavisala ivintu vivyo vite ni mbombo, sona vivyo abantu aba muchisu ichapasi bavisulite, umwakuti anangannye ivintu vivyo abantu aba muchisu ichapasi bakwinong'ona ukuti vyapamwanya.

1 Timoti 5:21

Pantazi pa Chala, na pamaso pa Kilisitu u Yesu, sona na pamaso pa bantumi bosi abasaliwa, nkukulamula ukuti ukonkaye indaghilo zinizi nu bwanaloli, pamo ukwennya icheni icha muntu muvintu vyosi vivyo uli pakubomba.

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.