Daniyeli 4:16 - IBAYIBOLO 2024

¹⁶ Inyinong'ono zyache zyanduke pakuba zya chinyamana amaka seveni.

Daniyeli 4:16 Iomraidhean Croise

2 Samuweli 18:32

U mwene akamulalusya umu Etiyopiya yula akati, “Nkimba umulumendo u Abisalomu mwiza bulo?” Umu Etiyopiya yula akamula akati, “Abalwani bako we mwene wane, sona na bantu bosi babo bakusambukiye babanje ngati mulumendo yunuyu.”

Yesaya 6:10

Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”

Daniyeli 11:13

U mwene uwa chisu icha kumitu akwiza pakubabungannya abasilikali abinji nkani ukuchila mumo akabela nabo pakwanda. Nanti akabalilo kiza kakwana, akwiza pakunyokela na basilikali abinji nkani, bo banyamuye ivilwilo.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 4:23

“Wee mwene, ukamwennya uwantumi umuzelu akwika kumwanya akuti, ‘Lidumule ikwi nukulinangannya, loli uchileke ichisinko, bo uchipinyiliye ni chela nu mukuba nukuchileka mwisote, sona amagululuzi ghache ghabe mwitope. Muleke anyekaye ni nganda, sona ikalaye poka ni vinyamana mupaka amaka seveni.’

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Aba Hebeli 1:11

Ivintu vyosi vinivi vikwiza pakuzimila, loli awe ukwiza pakubangako; vikwiza pakumala ngati gho menda.

Ubuvumbuli 12:14

Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.