Daniyeli 4:1 - IBAYIBOLO 2024

¹ Ane ne mwene u Nebukadineza. Nkubasimbila abantu bosi naba inko zyosi nuluko losi sona na baneno zyosi, babo bakwikala muchisu ichapasi. Mwaghona!

Daniyeli 4:1 Iomraidhean Croise

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

Ezila 4:17

Po u mwene akamula akati: Nkukusimbila awe we Lehumu umulaghili uwa chisu nu Shimushayi umusimbi poka na bamwinyu abanji bosi, mwe mukwikala mu Samaliya, sona na kosi kwisila ilya lusoko ulwa Yufuleti: Nkubalamuka.

Ezila 5:7

Ukalata yula akasimbiwa ngati ulu: Tukukusimbila we mwene u Daliyasi: Ivintu vikwendelaye akiza.

Esitele 3:12

Po pisiku ilya 13 mumwezi uwakwanda akabitizya abasimbi bosi abamwene. Bakasimba abakalata pa zizyo u Hamani akalamula ukuyana na kasimbile sona ni neno iya chigaba chosi nukubatumila abimilili abamwene na balaghili ba muvigaba ivyakulekanalekana sona na bantu abamanyikwe aba inko izyakulekanalekana. Bakasimba abakalata banaba pakubombezya itabwa ilya mwene u Ahaziwelo sona bakadindapo ichidindo icha mpete yache.

Esitele 8:9

Pisiku ilya 23 mumwezi uwabutatu uwa Sivani, abasimbi aba kunyumba iya bumwene bakitiziwa. Po ukuyana nu lulaghilo ulwa Molodikayi, bakabasimbila abakalata aba Yuda, na makambala na balaghili aba muvigaba sona na balongozi aba muvigaba 127 ukwandila ku Indiya mupaka ku Etiyopiya. Abakalata banaba bakasimbiwa ukuyana na kasimbile aka neno iya chigaba chilachila naku bantu bosi ukuyana ni neno yabo sona naku ba Yuda ukuyana nakasimbile aka neno yabo.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 3:4

Intumi yikafumusya yikati, “Mwee bantu bosi, naba inko zyosi nuluko sona na baneno izyakulekanalekana!

Daniyeli 6:25

Po u mwene u Daliyasi akabasimbila abantu bosi, naba inko zyosi, nuluko losi sona na baneno zyosi muchisu chosi akati, “Mwaghona mwebosi!

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Zekaliya 8:23

U Mwene Uwamaka Ghosi akuti, “Pakabalilo kalakala, abanavuli 10 abakufuma mu neno zyosi sona naba mu inko izinji, bakwiza pakuyilema nkani inkazo iya mu Yuda yumo nukuti, ‘Tubukaye nawe, pakuti twivwa ukuti u Chala ali nawe.’ ”

Imbombo 2:6

Bo bivwa ichongo chila, ichilundilo ichikulu chikabungana. Bosi bakaswigha pakuti umuntu wesi mumwabo akivwa abitiki bakunenela muneno iyabo ni yabo.

Aba Loma 1:7

Nkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Efeso 1:2

Ichisa nu mutende ivyakufuma kwa Chala u Tata witu, sona nu Mwene u Kilisitu u Yesu vibanje namwe.

1 Timoti 1:2

Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.