Daniyeli 3:4 - IBAYIBOLO 2024

⁴ Intumi yikafumusya yikati, “Mwee bantu bosi, naba inko zyosi nuluko sona na baneno izyakulekanalekana!

Daniyeli 3:4 Iomraidhean Croise

Esitele 8:9

Pisiku ilya 23 mumwezi uwabutatu uwa Sivani, abasimbi aba kunyumba iya bumwene bakitiziwa. Po ukuyana nu lulaghilo ulwa Molodikayi, bakabasimbila abakalata aba Yuda, na makambala na balaghili aba muvigaba sona na balongozi aba muvigaba 127 ukwandila ku Indiya mupaka ku Etiyopiya. Abakalata banaba bakasimbiwa ukuyana na kasimbile aka neno iya chigaba chilachila naku bantu bosi ukuyana ni neno yabo sona naku ba Yuda ukuyana nakasimbile aka neno yabo.

Yesaya 40:9

Awe we ukwiza na mazyu amiza ku Ziyoni, kwela pamwanya pighamba. Awe we ukwiza na mazyu amiza ku Yelusalemu, ukolomokaye, utakanyilaye, tubuzye utwaya utwa Yuda ukuti, “U Chala winyu uyu!”

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Daniyeli 3:10

Wee mwene, wabika ululaghilo ulwakuti nanti umuntu wesi ivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana afughamaye pasi pakuchiputa ichifwani icha golide

Daniyeli 3:3

Po abalaghili na bimilili aba muvigaba na makambala, abantu abamanyisya amahala na basunga indalama na balongi na balongi aba mutwaya sona na balongozi bosi aba muvigaba bakiza kulusekelo ulwakuchipaghula ichifwani chicho u mwene u Nebukadineza akachisimika nukwimilila pantazi pa chifwani chilachila.

Daniyeli 3:7

Po bo bivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana abantu bosi naba inko zyosi nuluko losi sona na baneno izyakulekanalekana, bakafughama pasi nukuchiputa ichifwani icha golide chila, chicho u mwene u Nebukadineza akachisimika.

Daniyeli 4:1

Ane ne mwene u Nebukadineza. Nkubasimbila abantu bosi naba inko zyosi nuluko losi sona na baneno zyosi, babo bakwikala muchisu ichapasi. Mwaghona!

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Daniyeli 6:25

Po u mwene u Daliyasi akabasimbila abantu bosi, naba inko zyosi, nuluko losi sona na baneno zyosi muchisu chosi akati, “Mwaghona mwebosi!

Hoseya 5:11

Abantu aba Efulayimu bakuyiviwa nkani, bakukanyililiwa pasi pabulongi, pakuti badumula pakuzikonka indaghilo izya bantu.

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.